Për të prodhuar qumështin e gjirit, trupi i nënave djeg rreth 500 kalori në ditë gjë që mund të çojë në humbje më të shpejtë të peshës pas lindjes së fëmijës. Qumështi i nënës përmban vitaminat, yndyrat dhe proteinat e nevojshme që nevojiten për forcimin e sistemit imunitar dhe zhvillimin e shëndetshëm të fëmijës. Kjo do të nënkuptonte më pak ftohje dhe një sistem më të mirë të tretjes.
Ushqyerja me gji mund të ndihmojë gjithashtu në uljen e rrezikut të diabetit të tipit 2, llojeve të caktuara të kancerit të gjirit dhe kancerit të vezoreve. Gjithashtu, mitra mund të tkurret më shpejt për shkak të hormonit oksitocinë, i cili lirohet gjatë ushqyerjes me gji. Sipas Kolegjit Amerikan të Gjinekologëve (ACOG), nënat që japin gji rekomandohet që të konsumojnë më shumë kalori nëse duan të ruajnë peshën e tyre.
Megjithatë, kjo nuk do të thotë se ushqyerja me gji është një mrekulli për humbje peshe, por mund ta përshpejtojë procesin. Besohet se konsumimi i 1.800 kalorive në ditë duhet të ndihmojë në humbjen graduale të peshës dhe në të njëjtën kohë të japë energji. Është e nevojshme të sigurohet që nënat të hanë ushqime më të shëndetshme në mënyrë që të ruajnë energjinë dhe të përshpejtojnë prodhimin e qumështit. Ushqimet e pasura me proteina, hekur dhe kalcium dihet se ndihmojnë në stimulimin e prodhimit të qumështit të gjirit.
Ushqime të tilla si drithërat, frutat e thata, perimet me gjethe të errëta, vezët, agrumet, farat, mishi pa dhjamë, ushqimet e detit, vezët dhe produktet e qumështit rekomandohen për nënat që ushqejnë me gji. Përveç ngrënies së ushqimeve të shëndetshme, rekomandohet edhe aktivitet fizik shtesë dhe shmangien e sasive të mëdha të kafesë, cigareve dhe alkoolit.
Ndërkaq, frika më e madhe e të gjithë nënave kur i zë gripi është transmetimi i infeksionit te foshnja. Mbrojtja më e mirë për beben është të vazhdohet t’i jepet gji. Madje edhe nëse bebja sëmuret, procesi i shërimit do të jetë më i lehtë dhe më i shpeitë nëse nëna vazhdon t’i japë gji. Krahas kësaj, mund të ndodhë që edhe bebja të transmetojë infeksionin te nëna, mirëpo nuk shfaq simptoma sëmundjeje sepse ushqehet me gji.
Burimi/TopAlbaniaRadio
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
