Si prindër, disa nga ne ndihen paksa të humbur në ditët e tyre të para. Ju jeni dërguar nga spitali në shtëpi me një foshnjë të porsalindur dhe të brishtë në krahë, pa ditur se si të kujdeseni për të. Infermierja ju dha një fletë udhëzimi me 2 faqe që flet kryesisht se si ta pastroni foshnjën dhe ju përcjell duke ju uruar “paç fat”.
Për të tjerët, si unë, faza e bebes dukej se kishte kuptim. Sigurisht që ishte sfiduese në mënyrën e vet, por ishte plot rutina të thjeshta, shumë përqafime dhe pa biseda prapa. Ndihej e natyrshme.
Edhe pse çdo mëngjes qëllimi im kryesor është të jem emocionalisht për fëmijët e mi, kur vazhdimisht kam shumë kërkesa për të përmbushur, ndihem më shumë si një robot sesa nënë. Nëse ndiheni kështu, rezulton se mund të jeni më afër sesa mendoni për të sjellë gëzim dhe stabilitet në familjen tuaj.
Koha jo e mjaftueshme gjatë ditës
Për mua, pjesa më e madhe e stresit erdhi nga lista e gjatë e gjërave që kisha për të bërë, duke më penguar që unë të isha prindi që doja të isha. Doja që fëmijët e mi të ndiheshin të veçantë dhe të dashur, por gjetja e kohës për t’iu kushtuar kësaj po bëhej një sfidë. Do të më pëlqente të ulesha dhe të lexoja me djalin tim 8 vjeç për një orë, dhe pastaj të luaja me kukulla me vajzën time 6 vjeçare për tërë mbrëmjen. Dhe në mbrëmje do të doja të luaja me djalin tim 3 vjeçar deri në kohën e gjumit.
Këshilla të sinqerta dhe të thjeshta për prindërit
Sidoqoftë, thjesht nuk ka kohë të mjaftueshme për t’i bërë të gjitha, kështu që shpesh hiqni dorë. Mendja ime kthehet në pambuk, ndërsa të gjithë më bëjnë kërkesa.
Fakti që unë mund të lidhesha kaq lehtë me nënën që është aq shumë e mbingarkuar, ishte kryesisht për shkak të dy gjërave.
- Së pari, isha aq e mbingarkuar sa nuk po përmbushja detyrën time më të rëndësishme, e cila ishte të kaloja momente cilësore me fëmijët e mi.
- Së dyti, standardet e mia ishin shumë të larta. Fëmijët e mi nuk kishin nevojë që unë të luaja një orë me secilin prej tyre. Në fakt, ata as nuk e donin atë.
A janë të dobishme momentet e shkurtra të kohës së fokusuar për familjen?
Kërkimet tregojnë se edhe momentet e shkurtra të kohës së fokusuar mund t’ju ndihmojnë të forconi marrëdhëniet, të ndiheni më të qetë dhe të sillni gëzim në familjen tuaj. Është vërtetuar se:
- Përqafimi mund të lëshojë kimikate që ulin hormonet e stresit tek prindërit dhe përmirësojnë njohjen dhe zhvillimin tek fëmijët.
- Relaksimi, pa axhendë, mund të ndihmojë në parandalimin e acarimit.
- Bërja e bisedave me fëmijët tuaj, veçanërisht para gjumit, u jep fëmijëve kohë për të përpunuar emocionet e tyre dhe për të thelluar marrëdhënien tuaj.
Si sigurohemi që të përshtatemi në këto momente të shpejta dhe t’i parandalojmë ata të thithen në shakullinë e jetës moderne?
Vetëm 9 minuta në ditë
Për të siguruar që kjo kohë cilësore të bëhet e zakonshme, duhet të jetë realiste. Ekspertët rekomandojnë gjithashtu pika të shumta të takimit gjatë ditës me fëmijët tuaj.
Për fat të mirë, specialistët sugjerojnë që ka nëntë minuta gjatë ditës që mund të kenë ndikimin më të madh tek një fëmijë.
- tre minutat e para (menjëherë pasi të zgjohen)
- tre minuta pasi të vijnë në shtëpi nga shkolla ose kopshti
- tre minutat e fundit të ditës (para se të shkojnë në shtrat)
Sfidoni veten të përqendroheni tek fëmijët tuaj këto 9 minuta në ditë:
Tri minutat e para të ditës
Këto janë shpesh momentet më kaotike të ditës. Nëse shtëpia juaj është diçka si e imja, ku ndërkohë që bëni gati rrobat e fëmijë, hani mëngjes dhe vraponi drejt autobusit të shkollës. Në vend të kësaj, kaloni ato tre minuta të para duke u përqafuar.
Tre minuta pas shkollës ose punës
Kur takoni njëri-tjetrin pas një dite shkollë ose punë, bëni një plan për të vendosur atë që do bëni dhe përshëndetni fëmijët tuaj. Kaloni tre minuta duke u angazhuar me ta në lidhje me ditën e tyre para se t’ju largojë nxitimi i detyrave të shtëpisë, darkës dhe aktiviteteve pas shkollës.
Tre minuta para gjumit
Kjo është një kohë tepër e rëndësishme për marrëdhëniet familjare. Flisni me fëmijën tuaj ndërsa qetësohen pas një dite të gjatë. Shpesh, këto janë momente kur çlirohen historitë dhe emocionet e tyre reale, në vend të “dita ime ishte e mirë”. Kjo është gjithashtu një kohë e shkëlqyeshme për të lexuar një libër së bashku, i cili gjithashtu prodhon rezultate të jashtëzakonshme në zhvillimin e fëmijëve.
Mendimet përfundimtare
Ndonjëherë mund të ndiheni sikur nuk dini se çfarë po bëni si prind, por duke ndryshuar vetëm 9 minuta në ditë, mund të përmirësoni marrëdhënien tuaj me fëmijët, do jeni më të përqendruar dhe do të zvogëloni stresin tuaj prindëror.
Burimi / https://goldenslumbersphotos.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
