Sipas hulumtimeve të fundit, analiza e qumështit të gjirit gjatë gjidhënies së të porsalindurit mund të japë tregues të vlefshëm për një diagnozë të hershme të kancerit të gjirit.
Studimi i kryer në Spanjë, nisi mbi një grua 46-vjeçare, mbi të cilën ishte kryer një biopsi e lëngshme mbi qumështin e gjirit pas lindjes së fëmijës së saj të parë. Analiza kishte identifikuar një mutacion, të ashtuquajturën ADN tumorale qarkulluese (ctDNA). Gruaja u diagnostikua me kancer gjiri 18 muaj më vonë, por testi zbuloi se mutacioni ishte tashmë i pranishëm në qumështin e gjirit të gjirit të prekur nga kanceri 11 muaj pas lindjes, pra 6 muaj para diagnozës me ultratinguj. Studimi nga biopsia e lëngshme e qumështit të gjirit u shtri pastaj në subjekte të tjera.
Si funksionon testi i qumështit të gjirit për kancerin e gjirit
“Studimi u krye fillimisht mbi një mostër të vogël të grave (15) që ishin diagnostikuar me kancer gjiri gjatë shtatzënisë ose gjidhënies. Pas analizimit të qumështit të gjirit të këtyre grave, u zbulua prania e ADN-së tumorale qarkulluese me të njëjtat mutacione të gjetura më pas në tumorin e tyre të hequr të gjirit. Ky studim, tregon se qumështi i gjirit i përftuar nga pacientët me kancer gjiri përmban një sasi të ADN-së tumorale qarkulluese të mjaftueshme për t’u zbuluar dhe për këtë arsye potencialisht në gjendje të zbulojë kancerin e gjirit para se të dalë nga ekzaminimet radiologjike. Për këtë arsye do të kishte një vlerë parashikuese të sëmundjes”, shpjegon Dr. Angela Esposito, ekspert i këtij studimi.
Ndërkohë, përdorimi i inteligjencës artificiale, si një mbështetje në analizën tradicionale po rritet gjithashtu. Demonstrimi vjen nga një studim klinik, i kryer nga Instituti Karolinska në Stokholm dhe që përfshin mbi 55,581 gra midis 40 dhe 74 vjeç, subjekt i shqyrtimit të rregullt me mamografi. Rezultoi se performanca e dy radiologëve të mbështetur nga IA ishte superiore vetëm ndaj asaj të dy radiologëve, por edhe të një radiologu vetëm me IA dhe inteligjencë artificiale vetëm. Kjo për shkak se AI lejon që sasi të mëdha të imazheve radiologjike të analizohen brenda një kohe të shkurtër, mund të zbulojnë anomalinë më të vogël dhe të ndihmojnë radiologët të diagnostikojnë kancerin e gjirit më herët dhe më saktë.
“Në vend që ta zëvendësojë atë, IA mund të kryejë detyra rutinë dhe përsëritëse, duke liruar kështu kohën e mjekut specialist, aftësitë e të cilit për intuitë, përvojë klinike dhe ndërveprim empatik me pacientët nuk mund të zëvendësohen nga asnjë kompjuter. Kjo do t’i lejojë mjekut dhe radiologut të përqendrohen në atë që është me të vërtetë themelore: pacientja dhe rruga e saj në luftën kundër kancerit,” përfundon eksperti.
K.M / Revista Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
