Karbohidratet janë gjithmonë në qendër të polemikave të shumta dhe ka njerëz që i eliminojnë plotësisht, duke pretenduar se është e vetmja mënyrë për të humbur peshë. Në fakt është një gabim dhe përpara se të bëni ndonjë zgjedhje ushqyese, konsultohuni me një ekspert, pastaj përpiquni të bëni dallimin midis karbohidrateve të ulëta dhe mungesës plotësisht të tyre.
Një dietë me pak karbohidrate kërkon kufizim të karbohidrateve dhe përfshin marrjen e më shumë proteinave. Kjo do të thotë që vetëm 20% e marrjes së kalorive përfshin karbohidrate, 40% përfshin proteina dhe 40% është yndyrë. Kjo lloj diete shkakton ketozë dhe humbje peshe të përkohshme dhe të shpejtë. A është kjo ajo që ju nevojitet?
Dieta pa karbohidrate, ju ndalon plotësisht nga konsumimi i karbohidrateve, gjë që është edhe më keq, sepse të gjitha kaloritë që hani vijnë nga proteinat dhe yndyrat. Sigurisht, ju mund të keni humbje të shpejtë në peshë, por edhe atëherë kjo humbje është e përkohshme.
Megjithëse dietat me pak karbohidrate dhe pa karbohidrate premtojnë humbje të shpejtë në peshë, ato nuk mund të mbahen për një kohë të gjatë, sepse konsiderohen të pashëndetshme dhe nxisin jo vetëm trupin që të shtojë kilogramë të tepërt, por edhe muskujt.
ÇFARË DUHET TË BËNI?
- Shkoni te një nutricionist
- Bëhuni aktiv dhe ecni për 30 minuta çdo ditë
- Shumica e grave duhet të konsumojnë 1200-1500 kalori në ditë
- Humbja e rreth 0,5-1 kilogramë në javë është e shëndetshme, më shumë nuk është mirë. Njerëzit që humbin peshë gradualisht kanë më shumë gjasa ta ruajnë atë. Mos hani më shumë se 30% të kalorive totale nga yndyra dhe konsumoni fruta dhe perime 5 herë në ditë. Në fund, peshoni veten vetëm një herë në javë
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
