Të paktën një herë na ka ndodhur që jemi tunduar të kontrollojmë telefonin e partnerit, ndoshta duke përfituar nga një moment shpërqendrimi, ose e shtyrë nga disa dyshime. Por a je i/e sigurt që është gjëja e duhur për të bërë?
Nga një vështrim i parë duket të jetë një gjest pa shumë rëndësi, i bërë vetëm për të qenë më “i qetë”, në realitet kontrollimi i telefonit celular të personit që dashuron mund të ketë shumë pasoja, madje duke shkaktuar plagë emocionale që janë të vështira për t’u shëruar.
PSE SPIUNOJMË SMARTPHONE-T E NJËRI-TJETRIT
Ajo që na shtyn të kontrollojmë celularin e tjetrit është kërkimi i informacioneve që mund t’i japin kuptim asaj që nuk e kuptojmë ose nuk e dimë për tjetrin. Kjo është një mënyrë për të qenë në gjendje të qetësosh frikën dhe pasiguritë, duke ushqyer një etje të pashuar për kontroll dhe një nevojë ekstreme për besim ndaj tjetrit.
Prandaj, nevoja për të kontrolluar telefonin e tjetrit fillon nga mungesa e besimit që shtyn të zbatojë sjellje kontrolluese. Besimi është një element në bazën e çdo marrëdhënieje të shëndetshme çift, në gjendje të prodhojë qetësi dhe siguri. Kur nuk jemi në gjendje t’i besojmë partnerit ne e gjejmë veten duke zbatuar sjellje kontrolluese ndaj tij, duke vlerësuar veprimet, fjalët dhe sjelljet e tij si diçka larg pozitives, por të aftë për të minuar qetësinë tonë.
ÇDO GJË MUND TË KTHEHET NË DRAMË
Nëse vendosni të spiunoni celularin e partnerit tuaj, çdo detaj i vogël mund të kthehet në një dramë. Për shembull, nëse zbulon se ai, në vend që të kthehej në shtëpi pas pune, dy javë më parë u bashkua me miqtë, do të fillosh të pyesësh veten pse të gënjeu, çfarë fshihet pas faktit që nuk të tha, madje duke shkuar deri aty sa të hamendësosh një tradhti. Mos harro se nuk je pronari i kohës së partnerit dhe se ata thjesht mund të kenë hequr disa informacione për jetën e tyre të përditshme, por kjo nuk do të thotë se ata nuk të duan.
NUK DO TA KUPTONI ATË QË LEXONI (DUKE RËNË NË KEQKUPTIM)
Kur lexojmë mesazhe në celular, sidomos nëse nuk i shkruajmë, mund të biem lehtë në keqkuptime, sepse nuk e dimë kontekstin.
Ju mund, për shembull, të humbni mendjen duke lexuar një zemër të kuqe në bisedë me një mik, vetëm për të kuptuar se konotacioni- të cilin ne shpesh shoqërohemi me dashuri, por nuk është e thënë – iu referua për të ju falënderuar për këshilla të dhëna ose një nder. Në thelb: fjalët ndryshojnë kuptimin sipas kontekstit. Nuk mund të gjykosh asnjë mesazh të vetëm nëse nuk e di gjithë bisedën.
NUK DO TË NDALOSH
Të spiunosh celularin nuk është vetëm e gabuar, por është edhe diçka që të bën të varur. Nëse e ke bërë një herë, nuk do të ndalosh. Edhe nëse i ke premtuar vetes dhe je i sigurt se do të rezistosh, pas herës së parë kjo formë kontrolli do të bëhet një zakon. Pra, sa herë që ai e lë telefonin e tij pa mbikëqyrje ju do ta gjeni veten duke spiunuar mesazhet, duke rënë në një lak të vërtetë obsesive.
DO TA VËSH MARRËDHËNIEN NË RREZIK
Nëse filloni të kontrolloni sistematikisht telefonin e partnerit, dijeni se do ta vini marrëdhënien tuaj në rrezik. Sepse të gjithë, herët a vonë, zbulohen. Çfarë do të ndodhë në atë pikë? Ka njerëz që reagojnë shumë keq ndaj idesë për t’u spiunuar dhe kontrolluar, aq shumë sa vënë në dyshim marrëdhënien e tyre dhe ndjenjën që ndjejnë – dhe nuk janë krejtësisht të gabuar në këtë.
Njerëzit e tjerë zemërohen, humbasin besimin dhe ndiejnë një ndjenjë të thellë zhgënjimi. Sidoqoftë, do të kesh krijuar një plagë në marrëdhënien tënde që ishte e shmangshme. Spiunimi i celularit nuk është një gjest i thjeshtë kontrolli, por diçka që mund të ndryshojë përgjithmonë fatin e çiftit.
Burimi/ TheWom.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
