Nga Blerina Memaj, psikologe
Fëmijët mësojnë duke luajtur! Kjo është baza e zhvillimit kognitiv që shoqëron të gjitha stadet zhvillimore të tyre. Natyrisht në forma të ndryshme po ashtu!
Mënyra se si fëmijët qasen dhe përfshihen në të ne psikologëve na lejon të hedhim bazat e vlerësimeve te femijët! Një nga segmentet e lojës është ajo me lodra! Shumë prindër dhe edukatorë nuk i kushtojnë rëndësinë e duhur për atë çfarë u japin në duar atyre. E padyshim që në mosha të ndryshme edhe lodrat duhet të jenë të ndryshme nëse duam që ky proçes të japë kontributin e duhur në proçesin e gjatë e të ndërlikuar të zhvillimit të tyre.
Herës tjetër kur të drejtoheni në dyqane për t’i blerë fëmijëve lodrën e rradhës, mbajini në vëmendje këto këshilla që me shumë dashuri i kam përzgjedhur:
1.Mos blini lodra që reflektojnë ngjyra të shumta dhe që funksionojnë sipas parimit ndiz-fik. Kjo do të stimulonte ndonjë sulm ‘epileptik’ dhe probleme me vëmendjen.
2.Deri në moshën 3 vjeç mos u jepni lodra të vogla që kaperdihen ose futen në hundë. Kështu do të shmangni ndonjë lëndim të tyre.
3.Përparësi jepuni lodrave me materiale natyrore.
4.Një sasi e madhe lodrash ul efektin e lojës.
5.Ruajini ato sepse në mosha të ndryshme ata i përdorin në mënyra të ndryshme. I rishijojnë.
6.Blini sa më pak lodra si pushka, pistoletat apo të ngjashme sidomos në mosha të vogla sepse rrisin agresivitetin.
7.Mbani mend që loja më e vlefshme është ajo që luhet me prindërit.
8.Fëmijët krijojnë lidhje emocionale me lodrat, ndaj mos i jepni dikujt pa marrë fillimisht aprovimin e tyre.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
