Çdo vetë-përkufizim është një vetë-kufizim, është një mbrojtje, një mënyrë për t’u ndjerë të sigurt dhe për të justifikuar sjelljet tona, frikën dhe hezitimet tona. Këto fraza janë maska e personaliteteve dhe e qëndrimeve që kemi supozuar, por që nuk na përfaqësojnë në të vërtetë.
Jemi shumë më shumë se sa ato që themi se jemi, por kemi aq frikë se mos na pëlqejnë ose nuk bëjnë gabime, saqë preferojmë të paraqesim veten me një karakter të caktuar sesa të eksperimentojmë dhe përfundimisht të “dështojmë”.
Fatkeqësisht nuk mund ta kuptojmë që nuk ka kurrë një dështim, sepse në çdo situatë, edhe nëse nuk ia arrijmë qëllimit që i kemi vënë vetes (e cila ndonjëherë mund të jetë një gjë e mirë), në çdo rast gjithmonë marrim një shpërblim, një dhuratë që është, të mësuarit, domethënë një vetëdije e re që na ndihmon të shohim më mirë.
Me gjithë këto frikëra se mund të mos kemi sukses, vendosim shumë veprime, frenime, të mos-bërit, mos-përpjekje, që të mos zhgënjehemi më vonë.
Le të kujtojmë se sa herë që ndihemi të zhgënjyer nga vetja, kjo nuk është ndjenja jonë, por pasqyrimi i asaj që pamë në sytë e prindërve tanë dhe që e përsërisim brenda nesh.
Sidoqoftë, kur e përcaktojmë veten, ne heqim 90% të mundësive dhe potencialeve tona nga jeta jonë.
Dhe është një mëkat i vërtetë, është një humbje talentesh dhe cilësish që nuk përdoren.
Kush jemi në të vërtetë është dhurata e jetës dhe puna jonë është ta kërkojmë atë çdo ditë duke vëzhguar veprimet dhe mendimet tona (mos e merrni si të mirëqenë).
Nëse lëmë mënjanë frikën për të bërë gabime, ne gjithashtu mund ta lejojmë veten të guxojmë sjellje të reja, të ndryshojmë mendimet tona, të zgjerojmë vizionin e gjërave dhe të kapim aspektet e vetes dhe të jetës që përndryshe është e pamundur që t’i kuptojmë dhe mund t’i japim vetes qëndrime të reja të frymëzuara nga kurioziteti, nga entuziazmi dhe pozitiviteti (dhe jo nga frika).
“Karakteri” ynë është grija në të cilën kemi zgjedhur të jetojmë: pas saj është ylberi i atij që duhet të admirojmë dhe ta vëmë në praktikë.
Përgatiti Orjona Tresa / Burimi Metodo StudiAmo – D.ssa Lucia Goldon, psikoterapeute italiane
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
