Karim humbi një sy dhe nënën e tij gjatë një bombardimi në Ghouta lindore pranë Damaskut. Fytyra e tij u bë simbol i ri i fëmijërisë së shkatërruara në Siri, e ” njerëzimit të vdekur”, e cila në fytyrat e fëmijëve tregon rezultatet më të padurueshme të luftës civile.
Imazhi i tij, postuar në Twitter nga Amer Almohibany fotograf, ka krijuar një fushatë të fuqishme të solidaritetit duke rindezur dritën e një drame që po prek këtë popullsi prej vitit 2011.
Në rrjetet sociale, përdoruesit vendosnin të mbulojnë një pjesë të fytyrës me duart e tyre. Hashtag # SolidarityWithKarim shoqëron fotot që vijnë nga e gjithë bota, nga njerëz të çdo moshe dhe seksi. Midis tyre edhe Bana al-Abed, vajza siriane, e cila nëpërmjet medias sociale e ka bërë botën të vetëdijshëm për jetën e vështirë të përditshme në vendin e origjinës.
Fotografi vetë i dha jetë fushatës, pasi kishte publikuar foton e Karim në Twitter, duke përcaktuar atë që ndodhi “një nga krimet e tmerrshme të regjimit të Asadit”. Ai publikoi foton e djalit të tij tre vjeç e gjysmë me fytyrën e mbuluar pjesërisht. Në një kohë të shkurtër, mijëra kanë ndjekur shembullin, përfshirë Matthew Rycroft, ambasador britanik në OKB, i cili u është bashkuar përdoruesve të tjerë nga llogaria e tij në Twitter për t’i dhënë zë Karimit të vogël.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
