Bota mund të jetë goxha e frikshme, por cili është momenti kur ankthi kthehet në paranojë? Të jetosh me çrregullime paranojash personaliteti (PPD) e bën shumë stresuese ekzistencën e përditshme.
Dyshimi dhe mosbesimi ndaj të tjerëve janë dy nga simptomat kryesore të njerëzve që vuajnë nga paranojat, po cilat janë 6 shenjat që tregojnë se mund të vuani prej këtij çrregullimi?
- Pa u bazuar askund, besojnë se të tjerët duan t’i bëjnë keq, t’i lëndojnë apo t’i ulin.
- Kanë një lloj shqetësimi të vazhdueshëm sepse dyshojnë tek besnikëria dhe vërtetësia e miqve të tyre pa pasur asnjë fakt konkret që të jetë bërë shkak.
- Ata hezitojnë të ndajnë biseda të tyre me të tjerët pasi i frikësohen faktit se nëse e bëjnë kjo do të përdoret kundër tyre një moment tjetër.
- Ata nuk i lejojnë vetes t’i vlerësojnë njerëzit pozitivisht sepse në mënyrë të vazhdueshme mendojnë se ata përballë tyre kanë qëllim poshtërues ose nënçmues.
- Ata mbajnë inat shumë kohë pas një ngjarjeje dhe nuk mund t’i falin gabimet e të tjerëve ose lëndimet që i kanë shkaktuar sipas perceptimit të tyre.
- Në mënyrë konstante dyshojnë për besnikërinë e partnerit të tyre, pavarësisht se kanë mungesë faktesh ose provash për ta provuar.
Burimi: Psychology Today
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
