A nuk do të dëshironim të kishim gjithmonë një shikim të qartë dhe të shëndetshëm? Në realitet, me kalimin e kohës, shikimi ndryshon dhe përvojat e çdo individi janë të ndryshme. Fatmirësisht, shkenca ka sjellë përparime të jashtëzakonshme në fushën e okulistikës, duke mundësuar zgjidhje edhe për rastet më sfiduese.
Në Klinikën e Syrit “ART”, Prof. As. Arjeta Grezda, kirurge me mbi 30 mijë operacione të suksesshme në gati 30 vite, ofron ekspertizën e saj për të garantuar shikimin më të mirë të mundshëm për pacientët. Me teknologjinë më të avancuar, në këtë klinikë diagnostikohen dhe trajtohen një gamë e gjerë problemesh okulistike, përfshirë edhe rastet më delikate.
Çfarë e bën të veçantë Klinikën e Syrit “ART”?
Jo vetëm metodat inovative dhe trajtimet e avancuara, por edhe përkushtimi i Prof. As. Arjeta Grezdës ndaj çdo pacienti. Këtu, jo vetëm që ofrohet kujdes shëndetësor i nivelit më të lartë, por edhe një përvojë unike që e bën çdo pacient të ndihet me fat që është në duart e një profesionisteje të tillë të fushës.
Si mund të reduktohet numri i lartë i syzeve tek pacientët, përveç rasteve me katarakt?
Në ditët e sotme, heqja e syzeve nuk është vetëm një trend, por shpesh një domosdoshmëri. Ndërsa korrigjimi me laser është një opsion i mundshëm, për pacientët me numra të lartë të syzeve, zgjidhja më e përshtatshme është heqja e kristalinit dhe zëvendësimi me lente intraokulare të përhershme.
Për cilat kategori pacientësh rekomandohet kjo procedurë?
Heqja e kristalinit pa prani të kataraktit mund të aplikohet tek pacientët me numra të lartë syzesh dhe ata që nuk janë kandidatë për trajtimin me laser. Kjo metodë është kryesisht e rekomanduar për pacientët në moshë madhore. Shumica e pacientëve me të meta të refraksionit nuk janë kandidatë për korrigjim me laser. Kandidatë idealë për këtë metodë janë:
- Pacientët me numra të lartë të syzeve
- Personat mbi 44 vjeç që ndodhen në fazën e presbiopisë
- Pacientët me hipermetropi ose astigmatizëm të lartë
Cilët janë opsionet për të eliminuar nevojën për syze?
Ekzistojnë disa alternativa për korrigjimin e shikimit, si:
1.Kirurgjia me laser – Korrigjon të metat e refraksionit duke modifikuar trashësinë e kornesë.
2.Heqja e kristalinit dhe zëvendësimi me lente intraokulare artificiale
–Një metodë efektive për korrigjimin e gabimeve të përthyerjes. Kjo procedurë kryhet në kushte ambulatore, është e shpejtë dhe pa dhimbje, duke mundësuar një rehabilitim të shpejtë.
Cilët janë opsionet më të sigurta dhe efektive për përmirësimin e shikimit?
Pacientët që kanë nevojë për korrigjim të gabimeve refraktive mund të zgjedhin mes opsioneve të ndryshme:
- Mbajtja e syzeve – Syze monofokale, bifokale apo progresive, të cilat megjithëse sigurojnë një shikim optimal, mund të jenë të pakëndshme për përdorim të përditshëm.
- Lente kontakti – Një alternativë tjetër, por me sfida si vendosja e përditshme, irritimi i syve dhe rreziku i infeksioneve.
- Korrigjimi me lente intraokulare permanente – Një procedurë kirurgjikale e avancuar, e cila garanton një shikim të qëndrueshëm pa dhimbje dhe me kohë të shpejtë rikuperimi. Lentet intraokulare dhe avantazhet e tyre.
Në Klinikën e Syrit “ART”, përdoren lente të teknologjisë më të lartë për korrigjimin e të metave të refraksionit:
- Lente unifokale – Përdoren për rastet me numra ekstremë hipermetropikë apo miopikë.
- Lente unifokale torike – Të përshtatshme për pacientët me astigmatizëm të lartë.
- Lente multifokale – Përmirësojnë shikimin për afër, larg dhe distancë kompjuterike.
- Lente multifokale torike – Për pacientët me kombinime sferike dhe cilindrike, duke siguruar një shikim perfekt në të gjitha distancat.
Lentet më të avancuara: Enhanced Focus of Depth Në Klinikën e Syrit “ART”, një ndër teknologjitë më të përdorura janë lentet Enhanced Focus of Depth. Këto lente:
- Nuk kanë rrathë në dizajn, duke reduktuar efektet e padëshiruara gjatë drejtimit të automjetit, sidomos natën.
- Janë ideale për korrigjimin e të metave refraktive sferike dhe cilindrike.
- Modelet më të njohura janë Vivity – Alcon për numra sferikë dhe Vivity Toric – Alcon për numra të kombinuar. Përvoja disavjeçare me këto lente ka treguar rezultate të shkëlqyera, duke ofruar një shikim superior dhe një cilësi jete më të mirë për pacientët.
Në Klinikën e Syrit “ART”, inovacioni dhe përkushtimi shkojnë paralelisht për të siguruar trajtimin më të avancuar dhe të personalizuar për çdo pacient!
Adresa: Rr. Nazmi Rushiti, Hyrja Nr.1, Kati i Dytë, Tiranë
Cel: +355 69 224 6189
e-mail: [email protected]
Facebook: Klinika e Syrit “ART”
Instagram: klinikaesyritart
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
