Një analizë e kryer nga studiuesit në Universitetin e Punjab zbuloi se inteligjenca emocionale është një parashikues i mirë i kohëzgjatjes së martesës, veçanërisht karakteristika të tilla si ndjeshmëria, këmbëngulja emocionale, vetëkontrolli dhe vetëdijësimi.
Një hulumtim i kryer nga psikologët në Universitetin Clark me 92 çifte zbuloi se aftësia për të identifikuar dhe për të shprehur emocionet është kyç për mbajtjen e një martese të gjatë.
Përveç kësaj, Gottman gjithashtu ka gjetur se kur femrat ankohen më pak, meshkujt janë shumë më të hapur dhe më pak luftarak.
E gjithë kjo tregon se burrat dhe gratë duhet të supozojnë se marrëdhënia nuk duhet të jetë një fushë beteje apo një hapësirë për të matur forcat. Është e rëndësishme që të dyja palët të pranojnë ndikimin e tjetrit, të njohin gabimet e tyre dhe të mësojnë të zvogëlojnë tensionin kur rrezikohet të ikë nga kontrolli.
Për të arritur sukses duhet të jenë në gjendje të vënë veten në këpucët e të tjerëve dhe të mësojnë të shprehin nevojat dhe dëshirat e tyre pa sulmuar apo kritikuar. Edhe pse ka disa studime që tregojnë se gratë janë emocionalisht më inteligjente se burrat, nuk duhet të harrojmë se inteligjenca emocionale është një koncept i gjerë që përfshin disa fusha.
Në fund të fundit, për të gjetur ekuilibrin nuk është e nevojshme që dy njerëz të jenë të barabartë, por të aftë të plotësojnë njëri-tjetrin.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
