Tensioni i lartë i gjakut është një simptomë shumë e përhapur në një mori moshash. Disa nga problemet me të shpeshta të zemrës shkaktohen pikërisht nga kjo gjendje e trupit. Për ta parandaluar ekzistojnë mënyra të ndryshme, duke filluar që nga ilaçet e deri tek metodat natyrale. Konsultimi me mjekun është gjithnjë hapi i parë i nevojshëm nëse vlerat e gjakut tuaj janë jashtë normës.
Gjithsesi kujdesi i vërtetë për çdo sëmundje fillon me stilin e jetesës dhe përzgjedhjen e ushqimeve të duhura. Shumë studime flasin mbi këtë pohim, por tashmë ekspertët rekomandojnë një miks frutash të cilat funksionojnë më së miri për kujdesin ndaj presionit të lartë të gjakut.
Çfarë duhet të konsumoni?
Ekspertët e King’s College London në Mbretërinë e Bashkuar, shpjegojnë se një enzimë e quajtur resveratrol ndihmon në uljen e presionit të lartë të gjakut.
Reservatoli është një enzimë shumë e rëndësishme për trupin e cila mbron trurin dhe zemrën. Gjithashtu është një alternativë e mirë që lufton dhe parandalon rrudhat e hershme të lëkurës. Ndër benefitet e shumta është vënë re se mund të ndihmojë edhe me presionin e lartë të gjakut.
Lista me fruta të rekomanduara nga mjekët e cila përmirëson presionin e gjakut është shumë lehtë e gjendshme. Ekspertët përmendin frutat e listuara si më poshtë të cilat kanë një sasi të konsiderueshme reservatoli.
- Boronicat
- Rrushi i kuq
- Luleshtrydhet
- Kikirikët
- Lëngu i rrushit
Në përgjithësi rekomandohen të gjitha frutat e pyllit pasi përmbajnë një sasi të madhe të kësaj enzime. Ky kombinim mund të jetë ndihmues në luftën me sëmundjen, pa harruar se konsultimi me mjekun dhe marrja e ilaçeve të duhura është gjithnjë e rëndësishme. Këshillohet të konsumoni sa më shumë arrorë dhe fruta të kuqe për të ndihmuar organizmin tuaj.
Burimi / AgroWeb.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
