Përgatiti Esmeralda Birçaj
Ekziston një arsye shumë e rëndësishme pse ne kënaqemi duke ecur pranë detit. Nuk është thjeshtë një largim romantik apo të kalosh kohën në mënyrë të kënaqshme. Një studim i ri i botuar në Health & Place këtë muaj, tregon lidhjen pozitive të pamjeve të natyrës me shëndetin mendor.
Kjo mund të jetë e qartë për disa, por supozohet se jemi bërë të jetojmë në natyrë në këtë planet. Kur bashkëjetojmë me natyrën dhe jetojmë në shtëpi që nuk e shqetësojnë atë, atëherë jemi vërtetë në harmoni me planetin, atëherë mund ta kthejmë kaosin e këtij planeti. Nuk ka kuptim të vendosim çimento në të gjithë florën e pasur të tokës.
Studiuesit nga Universiteti i Canterbury në Zelandën e Re dhe Universiteti Shtetëror i Michigan kanë hetuar ndryshimet midis hapësirave blu dhe jeshile. Hapësirat blu janë zona që kanë sisteme të mëdha uji, vende si plazhe. Hapësirat e gjelbërta janë zona të tilla si parqe ose pyje.
Informacioni u mblodh për të vlerësuar streset dhe çrregullimet e humorit. Faktorë të tillë si mosha dhe gjinia u morën në konsideratë për të gjetur përfundimisht një lidhje midis njerëzve që kishin një pamje të natyrës dhe shëndetit pozitiv mendor. Studimi është interesant, pasi hapësirat blu ishin shumë më të mira, ndërsa ato jeshile nuk ishin, sepse shumë nga hapësirat tona të gjelbërta janë në qytete dhe kanë çimento midis tyre. Hapësirat e gjelbërta nuk kanë të njëjtin efekt në trurin tuaj kur ato janë plot me struktura artificiale.
Kur jemi plotësisht të rrethuar nga një pyll ose jemi pranë detit pa objekte artificiale, atëherë ka një efekt drastik pozitiv në mirëqenien tonë mendore. Ne nuk jemi të dizajnuar të rrimë në një karrige kompjuteri për orë të tëra në ndërtesat e betonit. Ne jemi ndërtuar për të lëvizur dhe jetuar dhe për të pasur bashkësi njerëzore të lidhura ngushtë.
Ky informacion nga studimi mund të ndihmojë në hartimin më të mirë të qyteteve dhe integrimin e natyrës në botën tonë artificiale. Në thelb, ne kemi nevojë për të ndryshuar modelin e shoqërisë në kuptimin se si bashkëveprojmë me njëri-tjetrin.
Ne duhet të jemi në gjendje të jemi në harmoni me planetin në mënyrë që të jemi të zbatueshëm pa shkatërruar natyrën. Duket mjaftë e thjeshtë, por natyra ka gjithashtu naftë dhe gaz që industritë kryesore i japin përparësi.
Nëse jeni në gjendje, dilni dhe eksploroni botën e bukur të natyrës. Ndaloni në një park, nëse jetoni në qytet, blini disa bimë për të vendosur rreth shtëpisë tuaj dhe për të sjellë natyrën në jetën tuaj. Ato do t’u pastrojnë ajrin dhe do t’ju bëjnë të ndiheni mirë në hapësirën ku ndodheni.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
