Kur një grua lodhet duke luftuar për një burrë që nuk e do ose nuk dëshiron ta dojë, ajo nuk do të humbasë asnjë sekondë më shumë. Ajo do mbyllë derën e asaj marrëdhënie dhe do të largohet. Pa e kthyer kokën prapa. Thuhet se kur një grua të do, të do pa rezerva.
Një grua që vërtetë të do, të do me gjithë zemrën dhe shpirtin e saj. Ajo do të jepet e gjitha pa frikë, do të tregojë veten e saj të vërtetë, nuk do ta fshehë thellësinë e shpirtit të saj. Në këtë mënyrë një grua mbron dhe ushqen dashurinë e saj për një burrë me një lloj tragjedie që askush nuk mund ta imagjinojë. Sakrificat që ajo është në gjendje të bëjnë për mashkullin e saj janë të pabesueshme, sepse ajo nuk heq dorë nga vështirësitë, nuk zmbrapset përballë vështirësive.
Një grua e tillë do të bëhet forca e tij. Do të jetë si një shkëmb kur dëgjon se partneri i saj është duke u shembur. Do të jetë shpatull për të qarë, strehëz për këshilla të dobishme, arsyeja për t’u ngritur pas një rënieje. Ajo do të jetë në gjendje të japë rehati, të largojë mendimet negative, të organizojë momente të improvizuara për të festuar një fitore të vogël. Përqafimi i saj do t’i japë paqe mendjes dhe ajo do të jetë në gjendje ta bëjë burrin të ndjehet rehat, sikur gjithçka të ishte në rregull, sepse ajo është aty pranë tij.
Një grua e tillë nuk është një robot, ajo nuk ka energji të pashterueshme, veçanërisht nëse ajo nuk e ndjen veten të paguar ose, akoma më keq, nëse tradhtohet. Ajo është aq e fortë sa ajo e vendos zemrën e saj në duart e mashkullit të saj kur është e dashuruar dhe është po aq e fortë për ta marrë atë dhe për t’u larguar.
Ju nuk duhet të bëni gabim të tregoheni i pakujdesshëm në lidhje me emocionet e saj, të mos kuptoni kur ka nevojë për ndihmë, të largoheni kur ka nevojë për praninë tuaj. Në ato momente asgjë nuk do ta sjellë atë në shtëpi, asgjë nuk mund ta kthejë besimin e saj, asgjë nuk do të jetë në gjendje të shërojë dhimbjen dhe zhgënjimin e saj.
Ndjenjat nuk janë detaje që mund të vijnë e të shkojnë, zemra e saj nuk mund të mbajë tradhti, dinjiteti i saj do të bërtasë zhgënjimin dhe zemërimin e saj. Një grua e tillë nuk mund të mendojë të jetë një copë e zëvendësueshme. Kur një grua fillon një marrëdhënie në të cilën ajo beson, ajo nuk mendon se gjithçka është e lehtë. Ajo nuk dëshiron ngushëllim, ajo nuk jeton për t’u mbuluar me dhurata. Nuk pret përsosmëri, kjo nuk është ajo që e motivon atë për të ecur përpara.
Kur kupton se emocionet nuk kanë qenë të njëjta me ato të partnerit, edhe nëse zgjedhja është e vështirë dhe e dhimbshme, ajo nuk do të tundohet, nuk është në karakterin e saj. Ajo nuk e bëri atë në kohë të vështira dhe nuk do ta bëjë tani. Ajo do të dijë të mbledhë copat e ndjenjave dhe të shkojë. Pa e kthyer kokën prapa.
Ajo do të zgjedhë të qëndrojë e vetme, të mos pranojë kompromise me pjesën e vërtetë të vetes dhe do të ndalojë së luftuari kur të kuptojë se personi tjetër nuk e meriton dashurinë e saj.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
