Një problem që e bën pamjen të shurdhër dhe të lodhur janë rrathët e errët poshtë syve. Çrregullimi mund të vijë nga shumë shkaqe, ku më e shpeshta mbetet mungesa e gjumit, disa lloje alergjish, gjenetike, aq sa është e zakonshme edhe të kesh vëllezër apo motra me të njëjtën bezdi, por edhe anemia dhe stili i jete të pashëndetshme.
Duhani dhe alkooli janë shkaktarë të proceseve më të shpejta të plakjes dhe dehidrimit, dy faktorë që mund të kontribuojnë edhe në shfaqjen e rrathëve të zinj. Ndërkohë që vërejmë praninë e rrathëve të zinj nëse normalisht nuk na është dashur të përballemi me këtë çrregullim mund të jetë një mungesë hekuri, edhe pa arritur një anemi të vërtetë.
Për fatin tonë të mirë, ka mjete natyrale për të zbardhur dhe zbutur rrathët e zinj pa përdorur zgjidhje invazive. Por, përpara se të mbështetemi në këto metoda duhet të konsultohemi me mjekun tonë. Dhe le të kujtojmë se në rast të mangësish është thelbësore t’i trajtojmë ato me terapinë e duhur mjekësore.
Një mënyrë e mirë për të rritur elasticitetin e zonës së syve dhe për të reduktuar edemën lokale është masazhi me vaj kokosi. Ngrohet pak dhe më pas aplikohet para gjumit në qepalla dhe në pjesën e poshtme të syrit, duke ushtruar një masazh të lehtë nga qendra jashtë derisa të përthithet.
Vetitë anti-inflamatore të sodës së bukës janë gjithashtu të shkëlqyera për zbardhjen e rrathëve të errët dhe përmirësimin e qarkullimit. Sodës duhet t’i shtohet pak ujë, sasia e nevojshme për të marrë një brumë të butë dhe të lëmuar, e cila më pas do të aplikohet në zonën e prekur, duke u kujdesur që të mos futet në sy. Masa duhet të lihet të veprojë për 20 minuta përpara se ta shpëlani.
Dhe nëse do të donim të fokusoheshim tek klasikët e shkëlqyer, fetat e kastravecit dhe qeskat e çajit jeshil janë ato që ju nevojiten për të marrë rezultate të mira. E para duhet të vendoset në sy dhe të mbahet për gjysmë ore, në mënyrë që vetitë astringente dhe freskuese të kësaj perimeje të na ndihmojnë të zvogëlojmë dhe të zbusim rrathët e zinj që fundosin shikimin.
Nga ana tjetër, çaji jeshil ka virtyte antioksiduese dhe është i përshtatshëm edhe për të zbutur çdo qese, të cilat shpesh shkojnë paralelisht me rrathët e zinj. Në këtë rast vendosim dy qeska për t’u mbajtur për disa minuta, më pas i lëmë të ftohen dhe i vendosim në qepalla, pasi shtrydhim lëngun e tepërt. Zakonisht duhen rreth njëzet minuta për të marrë lehtësim. Pas kësaj kohe, mund t’i heqim qeskat dhe të pastrojmë zonën e syve me një leckë të pastër pambuku. Do të vërejmë menjëherë se gjendja është përmirësuar estetikisht dhe gjithashtu do të kemi një ndjesi të këndshme freskie dhe hidratimi në sy.
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
