Çdo dite humbje jetësh nga aksidentet rrugore. Më i fundit është ai i një nëne me fëmijën 6 vjeç, e cila drejtonte automjetin mbi urën e lumit Osum.
Nënë e bir humbën jetën ditën e sotme në Berat, pasi makina me të cilën po udhëtonin doli nga rruga dhe përfundoi në lumin Osum. Ngjarja e rëndë ndodhi në rrugën urbane “Antipatrea”, pranë vendit të quajtur “Ura e re”. Sipas policisë, K. Xh., duke drejtuar mjetin tip “Benz” ka humbur kontrollin dhe ka rënë në lumë. Për pasojë ka ndërruar jetë ajo dhe djali 6 vjeç. Dëshmitarë nga vendi i ngjarjes thonë se djali i mitur kishte vigon në dorë dhe dyshohet se kanë qenë në spital.
Ndërkaq, ngjarje të tilla na kujtojnë herë pas here se duhet të kemi kujdes me drejtimin e automjeteve tona për të shmangur tragjedi të tilla.
Përgatiti K.I / Burimi gazetashqiptare.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.