Maji, Muaji i Matjes së Presionit Arterial (MMPA) është një fushatë globale ndërgjegjësimi e udhëhequr nga Shoqata Ndërkombëtare e Hipertensionit (ISH), e cila përfaqëson shkencëtarët, klinicistët, ofruesit e kujdesit shëndetësor nga e gjithë bota, të cilët kanë interes të përbashkët në fushën e kërkimit për hipertensionin arterial.
Kjo fushatë e nisur vitin e kaluar, ka në qendër të vëmendjes rritjen e aksesit ndaj depistimit të presionit arterial, si mënyra potencialisht më efektive për të ulur efektet e dëmshme të hipertensionit në shëndet.
Gjatë vitit të parë të kësaj fushate morën pjesë rreth 100 vende nga e gjithë bota (ndër to edhe Shqipëria), duke e bërë kështu programin depistues, të presionit të gjakut, më të madhin në botë. Analiza e të dhënave nga ky program masiv depistues lejon mbledhjen e evidencave shkencore për të ndikuar politikat shëndetësore rreth depistimit të presionit të gjakut.
Një matje e thjeshtë e presionit areterial shpëton jetën.
Presioni i lartë i gjakut është kontribuesi numër një për vdekshmërinë në mbarë botën, 10 milionë jetë humbasin çdo vit si pasojë e presionit të lartë të gjakut dhe vetëm ½ e njerëzve që kanë presion të lartë të gjakut e dinë që vuajnë nga hipertensioni.
Burimi / ata.gov.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
