Të gjithë ne jemi ballafaquar me vendime të vështira: zgjedhja e shkollës, e punës, e të dashurit. Vendimi i gabuar mund të jetë shkatërrues.
Nga Manjola Shehu,
studente në vit të fundit dega “Psikologji”
Një nga përvojat më të hidhura të jetës së njeriut është të kthejë kokën pas dhe të vërë re një veprim që nuk mund të kthehet mbrapsht më. Për më tepër, vendimet tona kanë pasoja që zgjasin si për ne ashtu edhe për të tjerët.
Stërvitja në marrjen e vendimeve krijon mundësinë që vendimmarrësi të bëhet një vendimmarrës më i ndërgjegjshëm e i përgjegjshëm për vendimet që merr, për autorësinë e tyre, për karakterin pragmatik të tyre, për aftësinë e shfaqur në vendimmarrjen e vet.
Kur njeriu ndjek këtë rrugë, ka shumë mundësi që të mos pendohet në jetë për vendimet që ka marrë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
