Për ata me lëkurë të shëndetshme, nuk ka problem, sepse shpesh maskat mbrojtëse, të domosdoshme për të kufizuar rrezikun e përhapjes së virusit Sars-CoV-2 siç janë distanca dhe higjiena e rregullt e duarve, sigurisht nuk mbahen për orë të tëra.
Por për ata që vuajnë nga aknet ose probleme të tjera, çfarë duhet të bëni? Dhe çfarë duhet të bëjnë ata që nuk kanë probleme me lëkurën?
Zgjidhni produktet e duhura
Freskoni lëkurën e fytyrës me pastrues jo-agresivë, vendosni një dermokozmetikë funksionale që mund të kurojë inflamacionin dhe mbi të gjitha masazhoni mirë kremrat, në mënyrë që të thithen para se të vendosni maskën, për t’u mbrojtur nga Sars-CoV-2. Këto janë rregullat e thjeshta që duhet të zbatohen para se të “armatoseni” me maskën mbrojtëse (kirurgjikale ose leckë) dhe të ndihmoni lëkurën tuaj kur vuani nga puçrrat ose sëmundje të tjera të lëkurës.
“Maska mbrojtëse – komenton Giuseppe Monfrecola, Universiteti i Napolit Federico II – prodhon një mikro ambient dukshëm të ndryshëm nga lëkura e lirë, por kjo nuk do të thotë që ata që vuajnë nga aknet ose sëmundje të tjera të lëkurës nuk duhet ta vendosin atë, përkundrazi ata thjesht duhet t’i kushtojnë vëmendje higjienës dhe të përdorin produktet e duhura”.
“Veçanërisht, duhet pasur më shumë kujdes në përhapjen e produkteve të përdorura. Përndryshe, krijohet një mbulesë e dyfishtë: ajo e kremit dhe maskës që në mënyrë të pashmangshme do të shkaktojë probleme në lëkurë. Pasi të jetë bërë kjo, mund të vendosim maskën dhe të jemi të qetë”.
“Maskat – vazhdon Monfrecola – nuk shkaktojnë probleme për njerëzit me lëkurë të shëndetshme, të cilët i mbajnë ato për një kohë të kufizuar. Ndryshe është rasti i mjekëve, infermierëve dhe stafit që punojnë në pavijonet Covid: të gjithë kemi parë shenjat në fytyrë të shkaktuara nga veshja e tyre për orë e orë. Për gjithë të tjerët nuk ka kundërindikacione ose sensibilizime të mundshme. Në të vërtetë, në mënyrë paradoksale, maska tenton të njomë lëkurën pasi me frymën krijohet një mikro mjedis i ngrohtë dhe i lagësht. Kështu që sot ekziston vetëm një rrezik: mos përdorimi! “
Kushtojini vëmendje thonjve
Larja e shpeshtë e duarve është thelbësore për të mbajtur larg rrezikun e infektimit me virusin Sars-CoV-2. Por pastrimi duhet të bëhet me kujdes dhe disa herë në ditë, për shembull kur hyjmë në një dyqan për të blerë dhe ose në një lokal për kafenë klasike.
“Thonjtë dhe lëkura e duarve në këtë periudhë i nënshtrohen një stresi më të madh – shpjegon Bianca Maria Piraccini, Drejtore e Shkollës së Specializimit të Dermatologjisë dhe Venerologjisë të Universitetit të Bolonjës – sepse nëse një i rritur lan duart nga gjashtë deri në dhjetë herë në kushte normale, sot ne priremi ta dyfishojmë këtë numër. Gjithashtu, vetëm një në dhjetë përdor një pastrues të butë dhe vetëm një në tridhjetë përdor një krem hidratues në lëkurën dhe thonjtë pas pastrimit. Për më tepër, kur hyjmë në dyqane, ne përdorim kimikate, xhel pastrues dhe antimikrobikë dhe kjo ndodh të paktën 20-30 herë në ditë”.
“Për ata që punojnë në spitale ose klinika, problem është dehidrimi i rëndë në lëkurë. Këshilla e parë është t’i jepni përparësi ujit dhe sapunit në vend të xhelit pastrues. Por duke qenë se të dy dehidratojnë lëkurën dhe dobësojnë thonjtë, incidenca e dermatitit irritues mund të rritet. Dhe me dimrin dhe ardhjen e të ftohtit, gjithçka përkeqësohet. Kështu që këshilla është që gjithmonë të lani duart me kujdes, duke pasur kujdes që të përdorni gjithmonë një krem hidratues pas pastrimit”.
Burimi / https://dilei.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
