Teorikisht, të gjitha përvojat që kalojmë në jetë, na bëjnë njerëz më të mirë dhe më të fortë.

Të jesh optimist, të kesh në kontroll jetën tënde dhe të mos ndjesh keqardhje për veten, janë disa karakteristika që i zotëron një njeri i fortë, por që jo të gjithë. A mendoni se keni ndonjërën prej tyre? Më poshtë ju sjellim një listë të karakteristikave që ka një person i fortë mendor sipas Amy Morin, psikoterapeut dhe ekspert në fuqinë mendore.Di të mbajë në balancë logjikën dhe emocionet

Nuk ka të bëjë aspak me faktin se çfarë mbizotëron tek ti: emocioni apo logjika, por bëhet fjalë sa je në gjendje të mbash balancën mes të dyjave, për të parë qartë se kur emocionet mbizotërojnë logjikën në procesin e vendimmarrjes.

Shpenzon kohën në mënyrë produktive

Të gjithë mund të gjejmë mijëra justifikime për të mos bërë një punë, por njerëzit e fortë përqendrohen në atë që ata vërtet dëshirojnë dhe shmangin shpenzimin e kohës në mënyrë joproduktive.

Mëson nga gabimet

Njerëzit mendërisht të fortë nuk përpiqen të justifikojnë veprimet e tyre apo t’i fshehin gabimet e tyre nga të tjerët. Ata nxjerrin mësime nga gabimet dhe herës tjetër veprojnë ndryshe.

Gjen një balancë mes asaj që është dhe asaj që dëshiron të jetë

Nëse jeni një person i fortë mendërisht, atëherë e pranoni veten tuaj ashtu siç jeni në këto momente, por kurrë nuk ndaloni së punuari për t’u bërë një person më i mirë.

Feston lumturinë e të tjerëve

Të jesh i fortë mendërisht do të thotë të dish se si të bashkëpunosh. Suksesi i të tjerëve nuk ju bën të ndiheni xheloz, përkundrazi.

E di se për një fitore me vlerë, ia vlen të presësh

Njerëzit mendërisht të fortë dinë të presin për shpërblimet e tyre. Ata e dinë se për të marrë më të mirën e diçkaje duhet durim. Mos harroni: padurimi na bën të dobët.

Nuk debaton me njerëzit për gjëra të vogla

Është e natyrshme që një njeri të përpiqet për përsosmëri, megjithatë një person i fortë mendërisht e di se nuk është e nevojshme të humbasë durimin për gabime të vogla, aq më tepër të njerëzve të tjerë.

Burimi: BrightSide