Pas një periudhe kaq të vështirë për shkak të pandemisë, kufizimet po pakësohen dhe ne po fillojmë të shohim dritën në fund të tunelit. Me sezonin e verës shumë pranë dhe pushimet që nuk duken më si një mirazh, më në fund ka ardhur koha për të lehtësuar veshjet dhe shpirtin. Në këtë pikë e qeshura është një ilaç i shkëlqyeshëm për mirëqenien psikofizike.
Bën mirë për zemrën: Një e qeshur e shëndetshme rrit rrahjet e zemrës tuaj, duke rezultuar në më shumë rrjedhje të gjakut dhe një sasi më të lartë të oksigjenit në gjak. Në thelb, e qeshura mund të nxisë një funksion më të mirë të enëve të gjakut, duke zvogëluar rrezikun e sulmit në zemër ose probleme të tjera që lidhen me aktivitetin normal të zemrës.
Lufton stresin: për të zvogëluar hormonet e stresit dhe në veçanti kortizolin, të cilat qarkullojnë në trupin tonë kur ndihemi të stresuar, ilaçi më i shëndetshëm është të qeshësh. Të qeshurit në fakt rrit oksigjenin në mushkëri dhe stimulon qarkullimin e gjakut: dhjetë minuta me humor të mirë janë ideale për të vendosur nën kontroll nivelet e kortizolit.
Ul presionin e gjakut: kur qeshim truri lëshon endorfinë, kimikate me një aktivitet të fuqishëm analgjezik dhe emocionues, deri në atë pikë sa veprimi i tyre është i ngjashëm me atë të morfinës dhe substancave të tjera opiume. Endorfina kundërvepron me efektet negative të hormoneve të stresit, duke dhënë një gjendje të mirëqenies dhe duke ulur presionin. Një situatë ideale për të parandaluar rrezikun e sulmit në zemër dhe goditjes në tru.
Ndihmon për t’u çlodhur: nuk ka asgjë më të keqe sesa stresi për të forcuar dhe krijuar tensionin muskulor, duke rezultuar në dhimbje dhe kontraktura që parandalojnë lëvizjen edhe për të bërë gjërat më të thjeshta. Një e qeshur e mirë, në sajë të endorfinës, është e aftë të lehtësojë tensionin fizik dhe të japë lumturi, duke çliruar muskujt dhe duke siguruar relaksim.
Forcon sistemin imunitar: e qeshura është një ilaç i shkëlqyeshëm kundër infeksioneve. Ajo stimulon sistemin imunitar, pasi siç tregohet nga studime të shumta emocionet pozitive favorizojnë prodhimin e një kaskade reagimesh, të afta për të aktivizuar sistemin imunitar dhe në veçanti limfocitet vrasëse.
Favorizon marrëdhëniet ndërpersonale: ka situata në të cilat të qenit i qetë me veten favorizon një marrëdhënie të mirë me të tjerët. Kur qeshim, ne përcjellim ndjenja pozitive, të cilat forcojnë marrëdhëniet sepse na tërheqin më shumë njerëzit që na bëjnë të ndihemi mirë, sesa ata që shprehin negativitet, të tilla si zemërimi ose zhgënjimi. Pra, e qeshura forcon lidhjen emocionale dhe e bën më të lehtë lidhjen me të tjerët, me pasoja pozitive si në jetën e përditshme dhe në atë profesionale. E qeshura përmirëson performancën, duke favorizuar marrëdhënien me kolegët, duke përmirësuar punën në ekip, duke rritur lidershipin dhe aftësitë për zgjidhjen e problemeve.
Ndihmon të jetosh më gjatë: nuk është një mashtrim, sepse dy universitete e kanë provuar atë. Sipas studimeve të kryera nga Universiteti Ëayne në Shtetet e Bashkuara dhe Universiteti i Trondheim në Suedi, ato tregojnë se e qeshura është një kurë natyrale, e cila ngadalëson procesin e plakjes dhe ndihmon për të jetuar më mirë. Në SHBA, u analizua një shembull i lojtarëve të bejsbollit dhe të dhënat e marra treguan se ata që ishin më të prirur për të qeshur jetuan deri në 7-8 vjet më shumë sesa ata që nuk buzëqeshin; në Suedi, nga ana tjetër, një analizë e kryer në mbi pesëdhjetë mijë individë të vëzhguar për 15 vjet tregoi se ata që janë në gjendje të kuptojnë anën e gëzueshme të gjërave jo vetëm që ndihen më mirë në atë moment, por gjithashtu kanë jetëgjatësi më të madhe.
Ndihmon të rikthehemi në formë: shpesh kur jemi të stresuar kemi tendencë të konsumojmë yndyra dhe lëngje të tepërta, si dhe qetësojmë problemet dhe vështirësitë duke mbytur hidhërimet me ëmbëlsira dhe meze që nuk janë të shëndetshme. E qeshura zvogëlon hormonet e stresit, përgjegjëse për shtimin në peshë dhe gjithashtu na lejon të djegim disa kalori: 10 minuta të qeshura të shëndetshme mund të na bëjnë të djegim pothuajse 40 kalori. Në funksion të qëndrimit në formë, nuk është edhe aq keq…
Burimi / https://www.tgcom24.mediaset.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
