Të besosh se të ardhmen e kemi fort në duart tona është një thikë me dy tehe: nga njëra anë, na jep siguri dhe vitalitet, por nga ana tjetër, mund të jetë burimi i një zbrazëtie të madhe. Të fillosh nga e para do të thotë të mbyllësh kapitujt dhe t’i lësh të shkojnë, sepse diçka nuk shkoi ashtu siç donim dhe, ndoshta, edhe na lëndoi.
Të fillosh nga e para do të thotë të pranosh faktin se diçka në jetën tonë duhet të ndryshojë dhe se është e nevojshme të shërohen plagët për të parë sërish drejt së ardhmes.
Është e mundur që, siç u ndodh të gjithëve ndonjëherë, të ndjeni nevojën për të ndalur papritur jetën tuaj për t’i dhënë vetes një mundësi të re për të qenë të lumtur. Ju do ta gjeni veten duke shkuar rreth të njëjtës memorie të fakteve, pa një drejtim, dhe nuk do të dini si të dilni prej saj, por do të jeni të vetëdijshëm për faktin që duhet të dilni prej saj. Funksionon kështu, në fillim ju vetëm duhet të dini se ne kemi nevojë për kohën tonë dhe se kjo varet nga shumë faktorë.
Ju nuk mund të filloni nga e para nëse nuk jeni gati për ta bërë këtë.
Siç po thonim, koha është thelbësore në situatat kur ndihemi të humbur, pasi na lejon të rindërtojmë parimet tona. Që në momentin e parë që kuptojmë se duhet të fillojmë nga e para, vërejmë se diçka ka ndryshuar brenda nesh dhe se nuk jemi më të njëjtët: duhet të fillojmë të njohim veten përsëri.
Të dish se kush jemi pas blloqeve emocionale që kemi përjetuar është e detyrueshme për të filluar marrëdhënie me njerëz të rinj, për të zhvilluar personin që jemi në të gjitha fushat e jetës ose, thjesht, për të qenë të lumtur me atë që bëjmë. Është e qartë se, në këto raste, të mos i japim vetes kohën që na duhet është një nga gabimet më të zakonshme: ne jemi gati të fillojmë përsëri kur, ndoshta, plaga nuk është shëruar ende.
Mos marrja e kohës që ju nevojitet mund të jetë një hap prapa
Siç thamë, përgatitja është një detyrim që kërkon kohën e vet. Këto kohë janë personale dhe shumë relative: nuk ka rregulla, pasi ato varen, ndër të tjera, nga shkalla e humbjes së brendshme, vuajtjes, vullnetit dhe forcës. Secili prej nesh është i ndryshëm dhe po ashtu edhe aftësia jonë për t’u përballur me situata të ndryshme.
Kujtesa e zemrës eliminon kujtimet e këqija dhe zmadhon ato të mira, dhe falë kësaj artifice ne jemi në gjendje të kapërcejmë të kaluarën.”
-Gabriel Garcia Marquez
E sigurt është se, si në të gjitha proceset, nisja nga e para ndjek ritmet e veta dhe, nëse nuk i respektojmë, kjo mund të përfaqësojë një hap prapa: ndonjëherë mendojmë se jemi gati të përballemi me një fillim të ri, por më pas vjen realiteti dhe na zgjon sikur të ishte hedhur mbi ne një kovë me ujë. Kjo është mënyra e tij për të na thënë se kemi gabuar dhe se kemi ende një rrugë të gjatë për të bërë.
Një përpjekje e madhe, në fund të së cilës vjen shpërblimi
Ky proces për të cilin po flisnim ka ulje-ngritjet e tij dhe përfshin një nga përpjekjet më të mëdha që duhet të bëjmë në jetë: të mos shikosh prapa, veç të ecësh përpara, është e vështirë; është e vështirë të pranosh diçka që nuk e kuptojmë; të mësosh të jemi vetvetja pa diçka në të cilën mbështeteshim është shkatërruese; Të shohim dikë të largohet nga jeta jonë më shpejt se sa pritej, mund të bëhet shumë…
Megjithatë, fillimi nga e para na mëson shumë gjëra të tjera që në fillim nuk janë të dukshme, por që na bëjnë të rritemi. Përpjekja që bëjmë kur duhet të përballemi me një situatë të tillë, përfundon duke u bërë një shpërblim pozitiv që mund të na mbushë shumë, në formën e përvojës dhe mirëqenies.
Më në fund, pas kaq shumë sakrificash, ne do të ndihemi të lirë dhe të plotë në një nivel emocional : do të dimë atë që kemi përjetuar dhe do të mbajmë me vete vetëm atë që është vërtet e dobishme për ne, do të kemi mësuar të jetojmë me atë që kemi në të tashmen dhe do të jemi në gjendje ta udhëheqim jetën tonë në përputhje me parimet e reja që kemi rindërtuar. Fillimi nga e para është tashmë një fillim i ri i lindur nga fundi i një faze që supozohej të ishte pjesë e jetës sonë dhe që, tani, është pjesë e së shkuarës.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
