Një film zyrtar mbi jetën dhe karrierën e Celine Dion do të vijë së shpejti. Lajmi është konfirmuar nga vetë ikona e muzikës dhe filmi ka tërësisht mbështetjen e saj.
Vokalistja, e njohur për baladat si “Because You Loved Me”, “It’s All Coming Back to Me Now” dhe “My Heart Will Go On”, shkroi në një postim në Twitter: “Është zyrtare. Po fillojmë të punojmë për prodhimin e dokumentarit tim zyrtar. Mezi po pres të punoj me regjisoren Irene Taylor Brodsky dhe Sony Music për këtë projekt, që është shumë personal dhe do t’i tregojë të gjithëve një pjesë timen që nuk e kanë pare kurrë më parë”.
Më pas vazhdoi: “Kam qenë gjithmonë si një libër i hapur me fansat e mi. Me ndjeshmërinë dhe krijimtarinë e saj mendoj se Irene do ta tregojë historinë time në mënyrën më të sinqertë dhe të përzemërt.”
Celine Dion është një artiste që ka fituar pesë herë Grammy dhe ka shitur më shumë se 250 milionë albume gjatë karrierës 40-vjeçare.
Burimi / PanoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
