Shtëpitë kanë nevojë për personalitet dhe karakter. Duke ripërdorur dhe rimodeluar drurin, pëlhurën, me riveshje kreative mund të arrijmë rezultate të shkëlqyera për arredimin e shtëpisë dhe jo vetëm. Erisa Sinani është vajza që i ka dhënë jetë pasionit për prodhimin dhe rimodelimin e gjithçkaje përkufizon ambientet tuaja me komoditetin e dëshiruar.
Ka shumë objekte në familje të cilat me kalimin e kohës ose dëmtohen, ose dalin jashtë funksionit të tyre. Bëjmë çmos për t’i ruajtur apo rinovuar, vetëm e vetëm për t’i patur si një objekt kujtimesh në familje. Por nëse bëhen jofunksionale, ato zënë vend, duke e prishur estetikën e arredimit shtëpiak. Ka edhe raste kur vendosja e objekteve në shtëpi na mërzitet dhe duam t’i japim një këndvështrim tjetër, për ta cilësuar si ambient të ri. Por hapësira ndodh të mos na japë dorë aq shumë saqë mbetemi peng i ‘veshjes’ së vjetër.
Në një botë gjithnjë e më të standardizuar, këto ndryshime janë një lëvizje e pastër rezistence. Nëse zgjedhim të rinovojmë materialet e objekteve, të ripërdorim mobiliet tona duke i veshur me shije të re, ose të mobilosh nga fillimi gjithçka, ne jo vetëm që bëjmë një zgjedhje origjinale, por mbi të gjitha i bëjmë ato ekologjikisht të qëndrueshme. Dhe pas kësaj zgjedhjeje do të kishim një shtëpi tonën unike.
Nëse kjo dëshirë ka kohë që vërtitet në mendjen tuaj, dhe nuk gjeni kohë apo mundësi për të bërë ndryshimet, ju propozojmë zgjidhjen që bën për ju. Mobileri Rimodelim House Life ju vjen në ndihmë për prodhimin apo rinovimin e objekteve shtëpiake. Ajo kujdeset për tapicerinë e divaneve, kolltukëve, këndeve, karrigeve, shezlongeve, krevateve etj; për arredimin e këtyre objekteve sipas një syri të stërvitur që përshtat ambientet me karakterin e shtëpisë.
Mobileri Rimodelim House Life është zgjedhja familjare por jo vetëm, duke përfshirë një rrjet të gjerë shërbimesh për: hotele, restorante, sallone, bare, lokale, rinovim, prodhim dhe riveshje studiosh televizive dhe zyrash, nga antike deri në moderne.
Jepi jetë ambientit falë një mendimi dhe rinovimi ndryshe. Tani është koha!
Adresa: Pallatet Çabej +355 67 728 4532 | +355 67 728 4531 [email protected] | Rimodelim Mobilerihouselife | mobilerihouselife
Botuar tek Revista Psikologjia, Nr.185, muaji Nëntor
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
