Gënjeshtra është vetëm një mënyrë për të fshehur përkohësisht realitetin dhe nuk sjell asgjë të mirë. Gënjeshtrat janë pjesë e jetës dhe një nga burimet tona më të mëdha të pakënaqësisë dhe vuajtjes. Hapi i parë për të shpëtuar prej tyre është të kuptosh më mirë, të gjitha nuancat e saj.
Një nga këto është ajo që njihet si “gënjeshtra e mirësjelljes”, të cilën ne e ushtrojmë shumë herë në jetën tonë, kur jemi të shkatërruar në shpirt, u përgjigjemi atyre që na pyesin se po bëhemi mirë, se gjithçka po shkon shumë mirë.
Kjo kontradiktë në të cilën jetojmë vazhdimisht është një nga arsyet më të mëdha për të qenë i pakënaqur, i pasigurt dhe me vetëbesim të ulët. Për të ndryshuar këtë realitet, ne kemi nevojë për shumë qëndrim dhe guxim dhe gjithashtu duhet të punojmë çdo ditë për të ndryshuar jetën tonë të brendshme, e cila na pengon që të jemi me të vërtetë të lumtur.
Qetësia e të qenit i ndershëm është i pavlefshëm.
Një studim i Joshua Greene, një mjek në psikologji eksperimentale dhe neurologji në Universitetin e Harvardit, ka treguar se ajo që me të vërtetë promovon bashkëjetesën e duhur dhe një ndjenjë të lartë të vetëvlerësimit në secilin prej nesh është aftësia për të qenë i ndershëm me veten dhe me njerëzit rreth nesh.
Çfarë është në vërtet ndershmëria?
Është njohja e vetes dhe të jetuarit sipas parimeve, vlerave dhe misioneve tona në botë. Kurrë mos e tradhtoni atë se kush jeni për një përfitim të përkohshëm. Respektojini ata rreth jush dhe veten duke zgjedhur që gjithmonë të tregoni të vërtetën, edhe kur rezultatet nuk janë të mira.
Kush nuk fsheh asgjë nga askush, pret të njëjtën gjë në këmbim
Shoqëria jonë predikon të vërtetën, por e dimë se shpesh është gënjeshtra që hap më shumë dyer dhe në fund bind më shumë njerëz. Sidoqoftë, ky lloj mashtrimi është më i lehtë për t’u pranuar se gënjeshtrat që vijnë nga ata që janë pranë nesh, apo ata që duam. Ne duam reciprocitet në marrëdhëniet tona, ne duam të jemi të dashur dhe të respektuar nga ata përreth nesh, por kjo nuk ndodh gjithmonë, gjë që bëm të ndihemi të humbur dhe të lënduar.
Në këtë skenar duhet të përpiqemi të mbrohemi, sepse nuk marrim të njëjtin trajtim nga njerëzit që na rrethojnë, të cilët besojnë se sinqeriteti është një farsë, një agresion i maskuar. Ruajtja e ndershmërisë sonë është thelbësore për evolucionin tonë.
Njerëzit e ndershëm jetojnë në harmoni dhe balancë dhe bëjnë zgjedhjet më të mira për jetën e tyre, gjithmonë të përkushtuar për të ndriçuar jetën e atyre që janë përreth tyre.
Burimi / emozionifeed.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
