Gjetja e dashurisë nuk është aq e vështirë. Por e vështirë është të mbajmë gjallë flakën emocionale që na mban të bashkuar me personin që duam. Pas takimit ka ende shumë për të bërë, duhet të presim që ndjenjat të forcohen dhe të bëhen një udhëtim i përbashkët plot bashkëfajësi dhe admirim reciprok.
Njerëzit vijnë nga botë të ndryshme, kanë pasur përvojat e tyre, i kanë mbijetuar stuhive individuale dhe papritur duhet të përballen me një person të ri, shpesh duke u përpjekur të harmonizohen në favor të nevojës për të dashur dhe për t’u dashuruar.
Pasioni mbërrin, na gris dhe na hedh në takimin e një bote tjetër, në të cilën do të zhytemi verbërisht, për të kënaqur urinë për dashuri!
Bashkëjetesa e përditshme nuk është e lehtë, pasi koha na tregon dhe zbulon gjithçka që jemi, në të njëjtën kohë na bën të njohim edhe tjetrin duke na treguar defektet e tij, edhe ato më të bezdisshmet. Fatkeqësisht, pak janë të gatshëm të shohin, jashtë vetes, kur largohen nga zona e rehatisë, e cila i detyron ata të reflektojnë për atë që kanë bërë në jetë. Shoqëruesi do të jetë gjithmonë pasqyra që pasqyron atë që ne ofrojmë, llojin e dashurisë që ndërtojmë ose shkatërrojmë çdo ditë.
Dhe nëse nuk lejojmë të japim plotësisht veten ashtu siç kërkon dashuria, në mënyrë të pashmangshme do të përfundojmë duke vjedhur nga vetja, duke e lënë atë në vetminë boshe të pranisë sonë të paplotë. Nuk do të lëmë asgjë, nuk do të dëgjojmë pëshpëritjet e vuajtura, nuk do të shikojmë thellë në sy që na kërkojnë kot, nuk do të ndjejmë shpejtimet e zemrës që rreh afër, nuk do t’i përgjigjemi dëshirave, nuk do prekim lëkurën, ne do neglizhojmë atë që ka ndenjur gjithmonë pranë nesh.
Duke vepruar në këtë mënyrë askush nuk do mund të durojë përbuzjen, indiferencën, agresionin e heshtur dhe jetën e zbrazët të dikujt që ju premtoi se do t’ju donte për gjithë jetën. Dashuria nuk e pranon pikëllimin, nuk jeton me të shkuarën, as nuk ushqen shpresa të njëanshme. Vetëm dashuria dhe kujtimet e një kohe nuk do të mund t’i mbajë dy njerëz bashkë. Kjo sepse dashuria është e durueshme, por ka kufirin e saktë të dinjitetit që kemi në fund të ditës. Asgjë më shumë!
Burimi / https://italiafeed.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
