Asnjë fjalë nuk do të ketë kurrë aftësinë për të përshkruar saktësisht se çfarë do të jetë Dashuria për secilin prej jush. Çfarë do të vendosë në jetën tuaj. Nëse Dashuria do të mund të fliste me ju, do të ishte e para që do t’ju thoshte se nuk ka një përkufizim të fortë dhe të paprekshëm për veten e saj në dispozicion. Sepse sa herë hyn në jetën e dy njerëzve, ajo transformohet dhe bëhet.
Alberto Pellai, mjek, ekspert në parandalimin e zhvillimit moshor, psikoterapeut që punon si studiues pranë Departamentit të Shëndetit Publik në Universitetet e Studimeve Milano
Bëhet ajo që ata dy njerëz e lejojnë të jetë. Mund të jetë zjarri që digjet, pasioni që gllabëron, xhelozia që lidh me zinxhirë. Mund të bëhet gëzim ose dhimbje, butësi ose dhunë. Mund të jetë gjithçka dhe e kundërta e gjithçkaje, ajo që duhet të jetë dhe saktësisht e kundërta e asaj që duhet të ndodhë kur evokohet dhe thirret në skenën e jetës. Shpesh janë shumë gjëra, të gjitha së bashku. Sepse ne jemi ata që e skalitim në jetën tonë çdo ditë, siç bën një skulptor me veprën e tij të artit. Është kjo punë e daltës që e bën çdo ditë të re në vetvete, e cila e transformon dhe e rafinon atë. Është punë e pamëshirshme dhe duke e bërë atë mund të na lodhë, të na zhgënjejë dhe të na rraskapitë. Por gjithashtu mund të na bëjë të arrijmë majat e lumturisë që asnjë përvojë tjetër në botë apo dimension i jetës nuk mund të na bëjë ta arrijmë.
Ditë pas dite, përballë Dashurisë jemi thirrur të jemi artistë që duhet të ndjejmë përgjegjësinë aktive për ta shndërruar këtë fjalë në një kryevepër me të cilën t’i japë kuptim ekzistencës së dikujt. Diçka aq e fortë dhe fleksibël në të njëjtën kohë, sa të jetë në gjendje t’i rezistojë kohës dhe konsumimit të saj, stuhive prej breshëri që do të donin ta vulosnin dhe dëmtonin atë dhe erës që do të donte ta përkulte dhe ta thyente.
(…) Ty që ende ëndërron dhe e dëshiron, ne themi: duaje dashurinë. Mos nxitoni që menjëherë të dini gjithçka rreth saj. Por mësoni ta bëni atë, ditë pas dite, zbulimin më tërheqës dhe tronditës të ekzistencës suaj.
Si të flisni me një fëmijë për dashurinë? Unë dhe Barbara Tamborini, në librin tonë “Përkatësia” (ed. Mondadori) u përpoqëm ta bënim në këtë mënyrë, me një mesazh që mbyll vëllimin, të cilit ajo që keni lexuar është një fragment i shkurtër. Nëse ju pëlqen, lexojini fëmijëve ose nxënësve tuaj dhe ndajeni me prindërit, edukatorët dhe mësuesit e tjerë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
