Loja e joshjes është delikate dhe jo gjithmonë shprehet me fjalë. Në fakt, në fazat e hershme të afrimit midis një mashkulli dhe një femre që pëlqehen, shumica e komunikimit zhvillohet në mënyrë joverbale, pra nëpërmjet gjesteve dhe qëndrimeve. Këto janë lëvizje të pandërgjegjshme, të lidhura me kiminë e tërheqjes. Ja gjuha e trupit të gruas:
Ai dhe ajo– Aftësia për të shprehur veten përmes gjesteve dhe gjuhës së trupit është shumë më e zhvilluar te gratë sesa te burrat, edhe pse askush nuk e di saktësisht pse. Pjesërisht, këto janë dhurata stërgjyshore, pjesërisht një aftësi e rafinuar prej shekujsh, e zakoneve kulturore dhe shoqërore.
I ashtuquajturi “hap i parë” ka qenë ekskluzivitet mashkullor për shekuj: mbi të gjitha, në klasat e larta, marrëdhëniet midis dy gjinive ishin rregulluar nga një ceremoniale e ngurtë, në të cilën gratë kishin shumë pak hapësirë për t’u shprehur me fjalë. Shkëmbimi i shikimeve, gjestet e vogla, lëvizjet e duarve ose kokës ishin nganjëherë mënyra e vetme në të cilën dikush mund të komunikonte ose të përpiqej të intuitonte mendimin dhe interesin e tjetrit. Cilido qoftë shkaku, gratë janë shumë më të zonja se burrat për të komunikuar në këtë mënyrë.
Shikimi– Edhe sytë flasin me zë të lartë: ta dëgjosh atë ndërsa flet, duke mbajtur shikimin drejt tij dhe vetullat e ngritura dhe sidomos nëse bebja e syrit është zmadhuar, atëherë mesazhi është i qartë: ne jemi duke flirtuar. Por, kini kujdes: vështrimi shumë i qëndrueshëm dhe i zgjatur me kalimin e kohës mund të interpretohet si një kërcënim ose dëshirë për të imponuar vullnetin, duke frikësuar një djalë të turpshëm. Më mirë zbuteni shprehjen me një buzëqeshje të ëmbël. Për të bërë përshtypje, është e dobishme të mësosh të buzëqeshësh me sy.
Këmbët– Ato janë një mjet i fuqishëm për joshje. Kryqëzimi i tyre kur ulesh është një mënyrë elementare për të tërhequr vëmendjen. Është një gjest që shpreh sigurinë dhe vendimin, veçanërisht nëse ne e rrotullojmë majën e këmbës; duke mbetur në temën e këmbëve, teknika e “këmbës” nën tryezë është e njohur botërisht dhe nuk kërkon koment. Veshim këpucë me takë të lartë dhe dhimbja bëhet e padurueshme? Mos u shqetësoni: nëse sfilojmë pak (dhe diskretisht) dhe dikush e vëren, gjesti nuk do të kuptohet domosdoshmërisht, por do të përcjellë idenë që ndihemi të qetë dhe në zonën tonë të rehatisë.
Goja– Është një nga pikat në të cilat përqendrohet shikimi i meshkujve kur ai ka përballë një grua që i pëlqen. Nëse i prekim buzët tona, nëse i mbajmë paksa të hapura ose hamë buzët shprehim kënaqësi dhe miratim për atë që shohim dhe dëgjojmë.
Kontakti– Edhe pa shkuar në gjeste të dukshme si një përqafim, nëse jemi në praninë e dikujt që na pëlqen, e pandërgjegjshmja jonë do të na shtyjë të shkurtojmë distancat sa më shumë që të jetë e mundur dhe të kërkojmë kontakt fizik, edhe pse shumë të shkurtër. Pra, kini kujdes, nëse nuk duam të zbulojmë pa dashje shumë nga të menduarit tonë: gjuha mund të gënjejë, por për trupin është shumë e vështirë.
Ti më pëlqen, afrohu– Disa gjeste janë të njohura tashmë: prekja e flokëve, të luajturit me një gjerdan apo me një jakë këmishe, lëpirja e buzëve janë një sinjal i qartë për të tërhequr vëmendjen dhe për ta ftuar tjetrin të afrohet. Nëse përpara nesh është një djalë i bukur, sinjali është i qartë: ne jemi të interesuar për të.
Mesazhi është edhe më i qartë nëse, duke prekur flokët, ne zbulojmë veshin ose fytin, ose akoma më shumë nëse prekim qafën, një nga zonat erogjene më delikate dhe të ndjeshme. Gjesti i këmbënguljes së rrotullimit të flokëve rreth gishtit tregon mesazhin e kundërt, që është një shenjë e mërzisë.
Rri larg!– Nëse bashkëbiseduesi ynë nuk na pëlqen apo nuk është në shijen tonë ajo se çfarë thotë ai, bëjmë të pamundurën për të rritur distancën midis nesh. Për shembull, mund të shohim se kemi mbështetur pak kurrizin dhe, nëse jemi pranë një tavoline, mund të vendosim instinktivisht një objekt midis nesh dhe atij, si një gotë, një pecetë ose një çantë. Sidoqoftë, mënyra më e lehtë për të dekurajuar një kavalier këmbëngulës është një vështrim i shtrembër ose një gjë e mërzitshme nëse ndihemi të mërzitur. Nuk e kupton? E vetmja gjë që mbetet është të mbështetemi në sistemet e vjetra, duke thënë me edukatë dhe vendosmëri që nuk e duam.
Burimi / PanoramaOnline
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
