Bëhuni gati. Braktisni frenat, rezistencat, frikën, gjykimet. Jepini udhë gëzimit, mirënjohjes, dashurisë. Nuk ka rëndësi nëse jeni vetëm, nëse keni probleme, pakënaqësi, trishtim.
Nesër dëgjoni zërin e shpirtit dhe do të ndjeni se të gjithë jemi të lidhur, se problemet dhe sëmundjet e secilit janë edhe problemet dhe sëmundjet e të tjerëve, sepse të gjithë jemi të kushtëzuar nga energjitë e hijes, të gjithë kemi përvojën e njëjtë.
Nesër përpiquni të imagjinoni një realitet të ri të bërë nga përqafime, të qeshura, argëtime, ku jemi përsëri bashkë, por këtë herë me dashuri, pa konkurrencë, me sinqeritet, pa projeksione.
Nesër është Pashkë.
Nuk ka rëndësi nëse ndiejmë boshllëk: është një boshllëk i vjetër, që kur ishim fëmijë nuk shiheshin, nuk mirëpriteshin, nuk duheshin. Ne mund të kemi njëmijë të afërm përreth, por askush nuk do ta plotësonte atë boshllëk.
Na takon të kthehemi te lidhja me zemrën, me shpirtin, përmbushjen e vetme për të gjitha plagët tona. Dhe pastaj të ndiejmë lidhjen me të gjithë, bashkimin me të gjithë njerëzit që po përjetojnë konflikte të brendshme dhe të jashtme në këtë realitet.
Secili prej nesh duhet të ndezë shpirtin, kështu që në lidhjen që ekziston, të tjerët gjithashtu të fillojnë ta bëjnë këtë në një zinxhir dashurie që do të na çlirojë nga hijet.
Nesër është Pashkë.
Le të përgatitemi të jemi me ne në gëzimin e ekzistencës. Le të bëhemi gati për një ditë kremtimi, kontakti me ne, dashurie për ne. Dhe le të qëndrojmë me të vërtetë, të mirëpresim njëri-tjetrin, të përqafojmë njëri-tjetrin, të ngushëllojmë njëri-tjetrin.
Çdo gjë e ka një kuptim për ta kuptuar, gjithçka ka një ndjenjë që po bëhet gjithnjë e më e qartë. Por secili prej nesh mund të bëjë një ndryshim duke filluar të jetë i lirë, i lumtur, i dashur, pavarësisht nga ana e errët.
Nesër mund të lini kryqin tuaj dhe të pyesni veten se çfarë dëshironi vërtet të jeni të lumtur dhe pastaj ngadalë të shkoni ta merrni …
Gëzuar Pashkët, dritë të mirë, hapni zemrën!
Përgatiti Orjona Tresa / Metodo StudiAmo, Lucia Goldoni
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
