“90% -të e fëmijëve që urinojnë natën ndihen shumë keq. Çdo njëri nga ata mendon se i ndodh vetëm atij.” Urinimi në gjumë konsiderohet normal deri në moshën 5 vjeç, përpara kësaj moshe nuk rekomandohet asnjë lloj trajtimi.
Nga Lira Gjika
Pediatre
Disa këshilla të thjeshta:
1. Prindi duhet të kontrolloj shqetësimin apo bezdinë që i shkakton kjo situatë. Të përfolurit, në familje më gjyshërit, më kushërinjtë apo me miqtë e afërt, për këtë shqetësim është shumë I dëmshëm për vetë fëmijën që e përjeton. Gjithashtu edhe më I dëmshëm është etiketimi apo vënia në sedër sidomos nga ndonjë vëlla apo motër e vogël. Nga gjitha këto mënyra nuk fitohet asnjë gjë e mirë, përkundrazi gjendja rëndohet.
2.Një masë lehtësuese është përdorimi i mbrojtëseve të dyshekut
3. Fëmija që urinon natën në gjumë, nuk duhet kufizuar nga lëngjet, nga frika e urinimit. Fëmija duhet të pijë 6-7 gota me lëngje në ditë, pasi kjo influencon pozitivisht në mësimin e fshikëzës me sasi të lartë lëngjesh, gjë e cila është shumë e rëndësishme, për të fituar kontrollin sfinkterial apo të fshikëzës.
4. Gjatë pasdites duhet të evitoni t’i jepni fëmijës, lëngje të tilla si portokalli, limoni, mandarin, lëngje me gaz, coca-cola, çaj, si dhe çokollatë. Lëngjet e cituar më lartë së bashku me çokollatën janë stimulues të fuqishëm të veshkave, për prodhim të shtuar të urinës.
Pak statistikë:
5-7 milion fëmijë urinojnë natën në gjumë, pra nuk është një gjë e rrallë. Në këtë grup fëmijësh 2/3 e tyre janë djem dhe 1/3 vajza.
Pas moshës 5 vjeç, 15% e fëmijëve vazhdojnë të urinojnë natën në gjumë.
Në moshën 10 vjeç, 95% e fëmijëve nuk urinojnë më në shtrat.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
