Shpesh thuhet që “një fëmijë të ndryshon jetën” dhe asgjë nuk është më e vërtetë se ajo: me ardhjen në jetë të një qenieje të re, kaq të vogël dhe në nevojë për kujdes dhe dashuri, jeta kurrë nuk do të jetë si më parë. Kjo deklaratë është aq e vërtetë sa që ka të bëjë jo vetëm me prindërit, por edhe me vëllezërit dhe motrat e tyre, të cilët që nga ky moment do të jenë “xhaxhallarë, halla, teze apo daja”.
Mund të themi një gëzim i pastër, sepse kanë përparësinë e të qenit në gjendje të gëzojnë pjesën më të mirë të një fëmije dhe nuk presin tjetër veçse të jenë në gjendje t’i përkrahin, të ndjehen të legjitimuar për ta bërë këtë. Por ajo që ata nuk dyshojnë është se sa do ta transformojë nipi vetë ekzistencën e tyre.
Përmirëson marrëdhëniet me motrën / vëllain, prindin e nipit. Ardhja e një anëtari të ri dhe të butë tërheq gjithë të tjerët për t’i mbajtur pranë tij dhe, duke vepruar kështu, takohen dhe janë së bashku më shumë se më parë. Në këtë mënyrë, jo vetëm që mund të bekohen me foshnjën, por edhe të ndihmojë prindërit të përforcojnë lidhjet mes jush dhe atyre.
Zgjon fëmijën brenda nesh. Një fëmijë është imagjinatë e pastër: sepse ai është duke u njohur me gjithçka dhe gjithçka rreth tij çliron çudi dhe habi, duke qenë e panjohur për të. Një perspektivë e fuqishme dhe krejtësisht çarmatosëse, e cila infekton ata përreth tij, sidomos hallat, të cilët mund të sjellin të gjithë kreativitetin dhe dëshirën e tyre për të luajtur me arsyetimin e nipit.
Të krijon një obsesion të ri. Në epokën e telefonave të mençur, do të përfundoni me një telefon plot me fotografi të nipit: të mos humbasësh ato momente argëtuese dhe rritjen e tij dhe thjesht të zhytesh në mjaltin e fytyrës së tij të vogël të ëmbël, do të kesh kaq shumë për të besuar se je prindi.
Fuqia e një emri. Kur të dëgjoni për herë të parë t’iu thërrasë “halla”; atëherë zemra juaj do të shkrihet, dhe dita juaj – megjithëse mund të ketë filluar keq do të shkëlqejë me magji me gëzim dhe ëmbëlsi.
Ju bën të ndjeheni krenare. Si prindërit, hallat gjithashtu janë të etura të shohin çdo hap të rritjes së nipit të tyre, gjë që i bën ato krenare dhe të gatshme ta shpërblejnë atë me çdo lojë / kostum / çdo gjë që kanë në dorë (dhe portofolin).
Ju bën të ndiheni të veçantë. Mënyra se si ndriçon fytyra e nipit tuaj, duke u dhuruar një buzëqeshje të gëzuar, kur ai të sheh, dhe përpiqet të kërcejë mbi ju dhe nuk dëshiron të largohet prej jush, e gjithë kjo ju bën të ndiheni si yje, unikë, të veçantë dhe për ta ju jeni me të vërtetë.
Ai do t’ju mësojë kuptimin e dashurisë së pakushtëzuar. Kur ta shihni për herë të parë, nuk do të keni rrugëdalje: ju do të jeni përgjithmonë të burgosur të dashurisë që do t’ju lëshojë, sepse ai do të zë menjëherë një vend të veçantë në zemrën tuaj.
Të qenit xhaxhallarë, hallë, teze apo dajë është me të vërtetë një përvojë unike, sepse edhe pa qenë prind i tyre, ata gjithmonë do të jenë pjesë e juaja. Pra, duhet të përfitoni nga kjo dhuratë e mrekullueshme që vëllezërit dhe motrat tuaja do t’ju japin!
Burimi / www.guardachevideo.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
