Të kesh një marrëdhënie me një njeri inteligjent forcon cilësitë e tua dhe të bën personin më të lumtur në botë. Ne hasim në lloje të ndryshme të marrëdhënieve në jetë. Disa prej tyre zgjasin shumë, të tjerat jo shumë, por kur kemi lidhje me dikë që na fton të jemi më të mirë, është e mahnitshme dhe harmonike të jesh me atë person. Një burrë i pjekur di se si të sillet në situata të përditshme. Ai di të fitojë një grua dhe i beson angazhimit të saj. Ai nuk përdor hile, nuk është i vrazhdë, duke bërë gjithçka për të dashurën dhe respekton hapësirën e saj.
Ne e dimë që jo gjithçka në jetën tonë është fushë me lule dhe ndonjëherë do të kemi probleme që zgjidhen lehtë ose vështirë. Kjo është ajo ku një marrëdhënie paqësore dhe e ekuilibruar është më efektive. Ne e dimë saktësisht se kush është me ne nga mënyra se si ata veprojnë me anën tonë më të keqe. Burrat e pjekur zakonisht janë të aftë ta bëjnë marrëdhënien të funksionojë. Ata janë me ju në kohë të mira dhe të këqija. Ata pëlqejnë të mbrojnë, por nuk ju fusin në një kavanoz qelqi, sepse ata e njohin aftësinë tuaj për të mbrojtur veten dhe për të zgjidhur problemet tuaja.
Burrat e pjekur nuk i zgjidhin problemet e gruas së dashur, ata e inkurajojnë atë të kërkojë alternativa. Ata tregojnë mënyrat e zgjidhjes. Një burrë i pjekur e di që nuk ka fuqinë të ndryshojë thelbin tuaj, ai ju pranon ashtu siç jeni. Ai i kupton të metat, por nuk mund t’i zbusë ato, sepse fuqia e kësaj varet plotësisht nga ju.
Ata ndihmojnë në planifikimin e të ardhmes dhe ju paralajmërojnë për sjelljet që mund t’ju dëmtojnë. Në të njëjtën mënyrë ata janë të gatshëm të luftojnë për ju, nëse shohin që ju nuk bëni të njëjtën gjë, ata largohen dhe nuk kthehen prapa.
Nëse ëndërroni një burrë që do t’ju çlirojë me magji nga problemet, vazhdoni të ëndërroni, sepse realiteti është krejtësisht i ndryshëm dhe njeriu i pjekur e di këtë. Ai e kupton në mënyrë të përsosur se është me një grua për gjithçka që është dhe jo për atë që projekton mbi personalitetin e saj.
Burimi / https://italiafeed.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
