Një studim i kryer në mbi gjysëm milioni njerëz në Kinë, sugjeron se një vezë në ditë mund të ulë rrezikun e sëmundjeve të zemrës. Ekspertët theksojnë se konsumimi i vezës duhet të jetë pjesë e dietës ditore. Ndërsa, frika se konsumimi i tepërt i vezëve mund të bëjë dëm, duhet eleminuar.

“Një vezë në ditë, mund të sjellë përfitime për shëndetin“, thotë prof.Nita nga Universiteti i Kembrixhid.

Studimi i publikuar në revistën “Heart”, ka vëzhguar me vëmendje efektet e vezës për të vërtetuar ose hedhur poshtë frikën që ekzistonte se mos veza shkakton salmonelë, apo rrit kolesterolin.

Së fundmi, shumica e doktorëve këshillojnë konsumimin e vezëve, si pjesë e dietës, pasi janë shumë të ushqyeshme. Ato përmbajnë: nivel të lartë proteine, vitamina A, D, B dhe B12, si dhe përbërës që mbrojnë sytë.

“Një vezë, apo dy në ditë, është mëse e këshillueshme“, thotë doktor Frankie Phillips, nga Shoqëria Dietike Britanike.

“Njerëzit nuk duhet të frikësohen nga konsumimi i vezëve“.

“Mbase, i vetmi paralajmërim– thotë dr. Philips – është që të hash shumë vetëm një lloj ushqimi, do të thotë që të mos konsumosh ushqimet e tjera“.

Vezët gjithashtu janë burim i mirë i proteinës.

Fondacioni Britanik për Zemrën hodhi poshtë këshillën për të limituar konsumimin e vezëve në tre në javë në 2007n, kur dolën në dritë evidencat e reja për kolesterolin.

Burimi Ora News.tv