Në shkurt të këtij viti, Flor Mumajesi humbi nënën e tij, për shkak të problemeve me zemrën.
Ajo kishte disa kohë që ishte e shtruar në spital, por nuk mundi ta fitojë këtë betejë.
Mbrëmjen e djeshme, kantautori ka reaguar për herë të parë pas humbjes së madhe, nëpërmjet një statusi të publikuar në Instastory-n e tij.
“Hera e parë që nuk më vjen mesazh nga ty. Nuk ka ditë që s’e vuaj mungesën tënde, por edhe pse u mundoa të mos dorëzohem, sot gati ndihem i dorëzuar pa ty.
Se m’ka marrë malli me t’mbajt erë në qafë, m’ka marrë malli me t’puth, me t’pa, me t’prek, me m’shkrujt sapo më ke parë në televizor e të më thuash si dola, dhe pastaj të të marr në telefon dhe të flas me ty, me ta dëgju zërin e me m’thon ‘djali mamit’”, shkroi Mumajesi.
Flori së bashku me Klajdi Harunin prezantuan ditën e djeshme këngën me të cilën mbyllën fazën e parë të konkurrimit në “Kënga Magjike 2021”, e cila titullohet “E para”.
Burimi / Panorama Online
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
