Bebe Rexha më parë e ka konsideruar orientimin e saj seksual si “të rrjedhshëm” dhe në një intervistë me “Gay Times”, këngëtarja zbuloi se ka dalë me vajza.
“Ajo që unë besoj në lidhje me seksualitetin është kjo: është një shkallë“,- tha Rexha. “A kam dalë më parë me vajza? Po. Dhe me të famshme, por nuk po i përmend.”
Vitin e kaluar, kur u pyet pse nuk e kishte “përcaktuar” seksualitetin e saj, Rexha zbuloi se e konsideron veten fluide.
“Derisa të gjej ‘të duhurin’, nuk mund të them thjesht se çfarë jam,“- tha Rexha. “Unë thjesht dua të gjej dikë që e dua dhe që më do, dhe nuk më intereson nëse është një djalë apo vajzë.”
Rexha tani thotë se tërheqja e saj bazohet në atë që e “frymëzon” gjatë një periudhe kohore të caktuar.
“E vetmja gjë që do të them është se kur jam në një lidhje me një vajzë, është thjesht shumë emocionuese,“- tha ajo.
Rexha, albumi i ri i së cilës “Better Mistakes” ka dalë sot, më 7 maj, ka përqafuar prej kohësh adhuruesit e saj nga LGBTQ+.
Bebe prej muajsh është në një lidhje me producentin Keyan Safyari.
Burimi / PanoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
