Nuk mund të shkoj me pushime: po tani? Cilado qoftë arsyeja, të mos jesh në gjendje të bësh pushime mund të jetë stresuese dhe zhgënjyese, kështu që disa ide për lehtësimin e stresit mund t’ju bëjnë të ndiheni më mirë!
Në fakt, nëse nuk mund të shkosh me pushime për arsye ekonomike ose sepse nuk mund t’i marrësh pushimet në punë ose të duhet të punosh edhe nëse largohesh, ose kujdesesh për një pjesëtar të familjes, përsëri ndjen nevojën për të gjetur momente relaksi, aq më tepër nëse hap rrjetet sociale dhe shikon që të tjerët shkojnë me pushime dhe ti jo.
NUK MUND TË SHKOJ ME PUSHIME: 7 IDE KUNDËR STRESIT
1) Vendosni një kohë për pushim në ditar.
Nëse është e mundur, lini kohë çdo ditë për relaksim. Në bazë të angazhimeve tuaja, mund të mendoni edhe për një gjysmë dite ose një ditë të plotë ose të gjithë periudhën në të cilën edhe nëse nuk shkoni me pushime, keni shumë kohë të lirë.
2) Në këtë kohë, bëni një detoksikim dixhital, shkëputuni nga ueb-i ose përdorni aplikacionet, rrjetet sociale dhe telefonin për të shëruar marrëdhëniet, për të dëgjuar nga ata që nuk i keni parë për një kohë, në vend që të humbni kohë duke parë se çfarë po bëjnë të tjerët.
3) Lexoni çdo ditë një poezi ose një frazë motivuese ose një citim që ju frymëzon, ju jep energji dhe pozitivitet. Për shembull, në këtë artikull do të gjeni frazat për ta nisur mirë ditën.
4) Lexoni romane aventureske ose libra për fëmijë ose shikoni filma dhe seriale të të njëjtit zhanër, për t’u argëtuar dhe për t’u mahnitur.
5) Nëse është e mundur, kaloni pak kohë jashtë, edhe më mirë nëse në gjelbërim, qoftë edhe për banjo dielli që ju ndihmon në humor të mirë.
6) Në vend që të përsërisni “nuk mund të shkoj me pushime” dhe t’u keni zili miqve dhe të afërmve që postojnë foto dhe kujtime, shkruani një ditar, duke u fokusuar mbi të gjitha në gjërat e vogla dhe arsyet për të ndjerë mirënjohje.
7) Mësoni diçka të re, si teorikisht ashtu edhe praktikisht: në rrjet mund të gjeni shumë burime falas.
/Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
