Vera ka ardhur dhe i ftohti i dimrit tashmë është vetëm një kujtim. Edhe pse këta janë muajt më të nxehtë të vitit, vapa mund të krijojnë probleme dhe bezdi, veçanërisht për ata që nuk i pëlqejnë temperaturat e nxehta.
Çfarë duhet të bëni për të luftuar të nxehtin
Bëni një dush të ftohtë
Zhytuni në vaskë ose bëni një dush të shpejtë kjo kënaqësi e freskët është e aftë për të rikthyer energjinë.
Rifreskojeni lëkurën me spërkatjen e ujit termal
Mbani një shishe me tonik, ujë trëndafili ose spërkatës me ujë termal në çantën tuaj : në momente të nxehtit , përdoreni për t’u ftohur, thjesht drejtojeni spërkatjen në fytyrë dhe kyçet e dorës, më pas lëreni të thahet.
Qetësoni sytë me çaj kamomili
Për të lehtësuar sytë në këto ditë të stresuara nga vapa dhe alergjitë, në fund të ditës përgatisni një çaj kamomili , lëreni të ftohet, më pas lyeni sytë dhe fytyrën me pambuk, një përkëdhelje e vogël freskuese qetësuese që do t’ju vlejë shumë.
Rifreskon qafën, kyçet dhe këmbët
Futni kuba akulli ose ujë të ftohtë brenda shishes me ujë të nxehtë, më pas vendoseni pas qafës. Kjo pikë është jetike për t’u freskuar kur nxehtësia duket se nuk pushon.
Hani lehtë dhe qëndroni të hidratuar
Zgjidhni të filloni mëngjesin në shtëpi, me një gotë qumësht ose çaj të ftohtë, fruta të freskëta dhe sanduiçe ose bukë dhe reçel Nëse bëni një pushim me kolegët në punë, mund të zgjidhni një lëng … ose edhe vetëm një gotë ujë mineral të gazuar me një fetë limoni ! Një ndihmë shumë e thjeshtë për të hidratuar dhe detoksifikuar trupin.
Zgjidhni veshje prej pambuku
Në ditët e nxehta dhe në fillim të verës, kur trupi juaj nuk është mësuar ende me temperaturat në rritje, zgjidhni rroba të rehatshme që ju bëjnë të ndiheni të relaksuar, me lino ose pambuk . Pëlhurat natyrale ju bëjnë të perceptoni një ndjesi freskie dhe lejojnë që epiderma të marrë frymë, duke shmangur formimin e puçrrave dhe papastërtive.
Ngadalësoni ritmin
Kur jemi të stresuar, lëvizim shpejt dhe me një ritëm të furishëm: kryefjala në ditët e nxehtësisë së madhe është të ngadalësojmë ritmin . Shkruani një listë të detyrave për të përfunduar deri në fund të ditës, por mos e mbingarkoni veten me gjëra për të bërë. Mbi të gjitha, merrni ditën tuaj ngadalë , si fizikisht ashtu edhe mendërisht.
Si të mos vuani nga vapa gjatë natës
Para se të shkoni në shtrat, bëni një dush të ngrohtë ose të nxehtë : në kundërshtim me besimin popullor, uji i ftohtë rrit temperaturën e trupit tuaj. Fikni të gjitha pajisjet elektronike në dhomë, pasi ato vetëm kontribuojnë në rritjen e temperaturës. Shmangni darkat e rënda: preferoni ushqime të lehta dhe të freskëta. Nëse vapa është vërtet e padurueshme, mund të mendoni ta vendosni një cope të ftohtë në këmbët tuaja. Së fundi, mos u shqetësoni: vapa është një element tipik i verës, sa më shpejt të mësoheni me idenë aq më mirë për ju. Të shkoni në shtrat me ankthin e vuajtjes gjatë gjithë natës nga temperaturat e larta vetëm sa do t’ju bëjë të ndjeni edhe më shumë atë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
