Rreth 93% e fëmijëve nën moshën 15 vjeç thithin ajër aq të ndotur saqë shëndeti dhe zhvillimi i tyre janë në rrezik serioz. Sipas një raporti të botuar nga Organizata Botërore e Shëndetësisë, përpara konferencës së saj të parë globale mbi ndotjen e ajrit dhe shëndetin në Gjenevë, tha se bëhet fjalë për 1.8 miliardë fëmijë.
Në vitin 2016, fëmijët u vlerësuan të kenë vdekur nga infeksione respiratore akute të shkaktuara nga ajri i ndotur. Ndotja e ajrit është një nga kërcënimet kryesore për shëndetin e fëmijëve nën moshën 5 vjeçare, duke llogaritur pothuajse një në 10 vdekje në mesin e kësaj grupmoshe, zbulon raporti.
“Kjo është e pafalshme, çdo fëmijë duhet të jetë në gjendje të thithë ajër të pastër, në mënyrë që ata të rriten dhe të përmbushin potencialin e tyre të plotë,”-tha Drejtori i Përgjithshëm i OBSH-së, Tedros Adhanom Ghebreyesus.
Ndotja e ajrit gjithashtu ndikon në zhvillimin neurologjik dhe aftësinë kognitive tek fëmijët, si edhe mund të shkaktojë astmë dhe kancer. Fëmijët e ekspozuar ndaj ndotjes së tepërt mund të jenë gjithashtu në rrezik më të madh për shfaqjen e sëmundjeve kardiovaskulare në moshë madhore.
“Ndotja e ajrit po ndalon zhvillimin e trurit tek fëmijët dhe ndikon në shëndetin e tyre në shumë mënyra,”-tha Maria Neira, drejtoreshë e Departamentit të Shëndetit Publik, Mjedisit dhe Detyrimeve Sociale të Shëndetit në OBSH.
Sipas OBSH-së, fëmijët janë më të ndjeshëm ndaj ndotjes, sepse ata marrin frymë më shpesh, duke marrë më shumë ndotës dhe janë më pranë tokës, ku disa ndotës kanë përqendrime më të larta.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
