Pas pandemisë COVID-19 të shkaktuar nga koronavirusi SARS-CoV-2, një virus që u shfaq në Kinë në fund të vitit 2019, një tjetër kërcënim për shëndetin publik shfaqet në mbarë botën: sëmundja X. E thënë thjesht, është një sëmundje e shkaktuar nga një patogjen që ende nuk është identifikuar nga shkencëtarët.
Në fjalimin e tij të fundit në Samitin e Qeverisë Botërore në Dubai, Drejtori i Përgjithshëm i OBSH-së deklaroi se sëmundja misterioze mund të jetë 20 herë më vdekjeprurëse se COVID-19.
Origjina, simptomat, transmetimi dhe vdekshmëria janë një mister total. Alarmi u ngrit nga Dr Tedros Adhanom Ghebreyesus , ekspert biolog në imunologji dhe sekretar aktual i përgjithshëm i OBSH-së .
Ishte ai që shpalli gjendjen e emergjencës globale të shëndetit (pandemisë) për shkak të koronavirusit SARS-CoV-2 në Mars 2020. Në fjalimin e tij të fundit në konferencën e Samitit të Qeverisë Botërore në Dubai, shkencëtari etiopian nënvizoi se bota nuk është gati për një sëmundje tjetër.
Habitatet natyrore vazhdojnë të shkatërrohen, duke i afruar njerëzit gjithnjë e më shumë me jetën e egër; tregjet famëkeqe të lagështa ku njerëzit janë vazhdimisht në kontakt me kufomat dhe lëngjet trupore të kafshëve potencialisht të infektuara (të egra dhe të tjera) nuk janë mbyllur. E gjithë kjo na afron me shfaqjen e Sëmundjes X, që sipas OBSH-së mund të jetë shumë më vdekjeprurës se COVID-19.
“Pas COVID-19, miliona njerëz po vdesin për shkak të goditjeve sociale, ekonomike dhe politike që po jehojnë ende sot,” shpjegoi Dr. Ghebreyesus në fjalimin e tij në Dubai. “Mësimet e dhimbshme që kemi nxjerrë rrezikojnë të harrohen ndërsa vëmendja kthehet në shumë kriza të tjera me të cilat përballet bota jonë. Por nëse nuk arrijmë t’i mësojmë këto mësime, do ta paguajmë shtrenjtë herën tjetër dhe po do të ketë një herë tjetër. Cikli i panikut dhe neglizhencës ka filluar të përsëritet”, komentoi imunologu.
Drejtori i përgjithshëm i OBSH-së shtoi:
Mund të shkaktohet nga një virus i gripit, ose një koronavirus i ri, ose mund të shkaktohet nga një patogjen i ri për të cilin ne ende nuk dimë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
