Muajt e parë të shtatzënisë, Orinda Huta preferoi t’i kalojë larg syrit të publikut duke mos zbuluar asgjë.
Por kur të gjithë nisën të dyshonin, moderatorja së bashku me partnerin e saj, Turjan Hysko, publikuan disa imazhe në rrjete sociale ku dukej barku i rrumbullakosur, duke konfirmuar kështu thashethemet që qarkullonin lart e poshtë.
Orinda dhe Turjani do të bëhen prindër të një vajze, emrin e së cilës ende nuk e kanë përzgjedhur, por një gjë është e sigurt: do të fillojë me shkronjën ‘A’.
Mbrëmjen e djeshme, këngëtarja vendosi të ndante një “sekret” me ndjekësit e saj në Instagram.
Ajo publikoi një foto të vetes pranë pemës së Krishtlindjeve, krah së cilës shkroi:
“Duke bërë xhiro nëpër albume, del kjo foto. Kthehesh aty dhe mendon, 1 ditë para ke marrë lajmin e bukur, ndërkohë që ndjen ethe sepse të nesërmen do konfirmohesh me Covid-19 prej analizave”.
Burimi / Panorama Plus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.