Nuk dalin kurrë nga moda! Palltot janë veshja klasike dimërore par excellence, protagoniste e çdo viti për garderobën e sezonit. Palltoja klasike e femrave mund të jetë elegante apo formale, por edhe absolutisht e përditshme. Tendencat më të fundit që na frymëzojnë janë ato të propozuara nga yjet dhe të famshmit e ekranit.
Palltoja “prince” prej leshi të pastër ose kashmiri, me një mantel ose prerje të drejtë, por e derdhur në formë dhe e rehatshme. Gjatësia deri tek gjuri ose deri në mes të belit, me ose pa rrip, patjetër me xhepa, është e lehtë dhe praktike për t’u veshur. Ngjyrat variojnë nga klasiket e mëdha ngjyrë bezhë, e bardhë apo e zezë, deri tek nuancat neutrale, nga pastel tek ngjyrat më të gjalla. Për një stil urban elegant, palltoja e duhur për t’u veshur është ajo me jaka dhe pantallona të derdhura.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
