Mirëqenie

October 30, 2017 | 10:15

Patëllxhanët, të shëndetshëm për diabetin, eleminimin e lodhjes dhe stresit

Shumë njerëz as nuk e dinë se ka lloje të shumta të patëllxhanit, por nëse jeni duke kërkuar për një produkt të veçantë dhe të shijshëm në dietën tuaj javore, këto perime të shëndetshme mund të jenë një mundësi e shkëlqyer. Patëllxhani është i njohur për një gamë unike të përfitimeve shëndetësore, duke përfshirë aftësinë për të ndihmuar në ndërtimin e eshtrave të forta dhe parandalimin e osteoporozës, zvogëlimin e simptomave të anemisë dhe rritjen e funksionit njohës. Përmirëson po ashtu shëndetin kardiovaskular dhe mbron sistemin e tretjes.

1

PARANDALIMI I KANCERIT

Së bashku me efektet e dobishme të fibrave, patëllxhanët janë gjithashtu burime të mëdha të antioksidantëve, një nga linjat më të mira të mbrojtjes së trupit kundër një sërë sëmundjesh. Të pasur me vitaminë C, patëllxhanët stimulojnë prodhimin dhe aktivitetin e qelizave të bardha të gjakut. Gjithashtu, ata përmbajnë mangan, i cili është një antioksidant natyral dhe një mineral esencial. Duke pasur nivele të larta antioksiduesish në trupin tuaj, do të sigurohet që sistemet e organeve të mbrohen nga infeksione dhe sëmundje të dëmshme, duke përfshirë kancerin dhe sëmundjet e zemrës.

PARANDALIMI I ANEMISË

Anemia karakterizohet nga dhimbje koke, lodhje, dobësi dhe depresion. Prandaj, duke konsumuar ushqime të larta me hekur, mund të luftoni aneminë, dhe patëllxhanët kanë një sasi të konsiderueshme të hekurit. Ata janë gjithashtu shumë të pasur me bakër, një komponent tjetër thelbësor i qelizave të kuqe të gjakut, ashtu si hekuri. Pa këto dy minerale, numërimi i qelizave të kuqe të gjakut në trup do të vazhdojë të zvogëlohet, meqë ato vazhdimisht përdoren. Me qelizat e kuqe të shëndetshme që qarkullojnë nëpër venat tuaja, do të shihni një rritje të ndjeshme në energji dhe forcë, e cila do të eliminojë ndjenjën e lodhjes dhe stresit.

TË SHËNDETSHME PËR ZEMRËN

Reduktimi i kolesterolit LDL (i keq) mund të parandalojë sulmet në zemër, goditjet dhe arteriosklerozën.

MENAXHON DIABETIN

Për shkak të përmbajtjes së lartë të fibrave dhe sasive të ulëta të karbohidrateve, patëllxhanët janë një ushqim ideal për menaxhimin e diabetit. Cilësitë e patëllxhanëve i bëjnë ata të dobishëm, si një rregullator i aktivitetit të glukozës dhe insulinës brenda trupit. Kur nivelet e insulinës janë të qëndrueshme, efektet anësore të mundshme të rrezikshme të diabetit mund të shmangen./Panorama 

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top