Shumica prej nesh jemi të vetëdijshëm se mjalti mund të përdoret për të luftuar gripin dhe hidratuar lëkurën, por ndoshta nuk jemi të vetëdijshëm që shkencëtarët e konsiderojnë atë super-ushqim për shkak të shumë vetive shëruese që ka, e të cilat nuk i keni dëgjuar më parë.
Kombinimi i mjaltit me ushqim është i shijshëm dhe i shëndetshëm, por nëse konsumoni vetëm një lugë mjaltë para se të flini dhe e lini trupin të absorbojë të mirat që ka, ju do të befasoheni nga mrekullitë që do të shfaqen në trupin tuaj
Më poshtë keni disa prej gjërave që i ndodhin trupit kur filloni të hani mjaltë para gjumit.
Bëni gjumë shumë më të mirë
Mjalti përmban një nutrient që quhet triptofan, hormon i cili ju ndihmon të relaksoheni dhe i jep trupit sinjalin se është koha për të fjetur. Ndonëse trupit i nevojitet ky aminoacid, trupi nuk e prodhon në mënyrë natyrale, prandaj duhet ta marrim atë duke konsumuar ushqime si mjalti.
Ju ndihmon të ulni tensionin e lartë të gjakut
Duke qenë se tensioni i lartë igjakut është faktor që kontribuon në rritjen e rrezikut të sëmundjeve të zemrës, mbajtja nën kontroll e tij është thelbësore për shmangien e komplikimeve të ndryshme. Mjalti përmban antioksidues të cilët kanë dëshmuar se e zvogëlojnë tensionin e lartë të gjakut.
Do ulni trigliceridet
Trigliceridet janë një lloj yndyre që gjenden në gjak. Niveli i lartë i tyre nënkupton rrezik më të madh të zhvillimit të sëmundjeve të zemrës dhe diabetit. Fatmirësisht, mjalti është i ndërlidhur me zvogëlimin e niveleve të triglicerideve në trup.
Ju forcohet sistemi imunitar
Mjalti është i pasur me agjentë antioksidues dhe antibakterialë të cilët ndihmojnë në forcimin e sistemit imunitar, duke ju bërë më të fortë në luftimin e infeksioneve që shkaktohen nga mikroorganizmat si bakteriet, kërpudhat dhe viruset e shumta.
Yndyra fillon të digjet më shpejt
Mjalti përshpejton metabolizmin duke prodhuar efekt termogjenik në trup. Kjo nënkupton se rrit qarkullimin, i cili rrit temperaturën e trupit dhe kështu ju ndihmon të digjni yndyrë pa u përpjekur shumë.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
