Bukuria natyrore nuk ka nevojë për kimikate – vetëm për pak dashuri dhe përbërës të thjeshtë nga kuzhina. Kolagjeni është sekreti i një lëkure të fortë, të shëndetshme dhe rinore. Por, pas moshës 25 vjeç, nivelet e tij fillojnë të bien në mënyrë të natyrshme – dhe kjo sjell rrudha, humbje shkëlqimi dhe një ndjesi të lëkurës “të lodhur”.
Në vend që të shpenzoni shumë para për produkte luksoze, mund të përgatisni në shtëpi një krem nate natyral që stimulon prodhimin e kolagjenit. Ja si:
Çfarë ju nevojitet:
1 panxhar i freskët
1 lugë gjelle niseshte misri
70 ml ujë trëndafili
2 lugë gjelle fara liri
1 lugë gjelle vaj bajamesh të ëmbla
10 pika vaj jojoba
Si ta përgatisni:
1.Nxirrni lëngun e panxharit – Grijeni panxharin, shtrydheni dhe ruajeni lëngun. Ky është një burim i shkëlqyer i vitaminës C – thelbësore për sintezën e kolagjenit.
2.Përgatitni bazën – Në një tenxhere, përzieni lëngun e panxharit, ujin e trëndafilit dhe niseshtenë. Ngroheni derisa të formohet një masë e trashë dhe kremoze.
3.Bëni xhelin e farave të lirit – Ziejini farat në ujë për 4-5 minuta derisa të formohet një xhel i trashë. Kullojeni dhe lëreni të ftohet.
4.Kombinoni të gjitha përbërësit – Shtoni xhelin e farave, vajin e bajames dhe atë të jojobës në përzierjen e ftohur. Përziejini mirë derisa të përftoni një krem të butë.
5.Ruajtja – Hidheni në një enë qelqi dhe mbajeni në frigorifer. Zgjat deri në një javë.
Si ta përdorni:
Aplikojeni çdo mbrëmje në lëkurë të pastër, pas tonikut.
Masazhojeni butësisht në fytyrë dhe qafë.
Mos e shpëlani.
Në mëngjes, lani fytyrën si zakonisht.
Pse funksionon?
Panxhari rrit kolagjenin dhe përmirëson tonin e lëkurës.
Farat e lirit hidratojnë dhe zbusin inflamacionin.
Uji i trëndafilit freskon dhe balancohet pH-i i lëkurës.
Niseshteja e misrit zbut dhe mbron.
Vaji i bajames rigjeneron dhe zbut rrudhat.
Jojoba mban lagështinë dhe rrit elasticitetin.
Ky krem nate është një mënyrë e shkëlqyer për të trajtuar lëkurën me kujdes, pa kimikate dhe me efekt të dukshëm. Jepini vetes këtë luks të vogël të përditshëm, lëkura juaj do t’ju falënderojë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
