Ushqimi i shëndetshëm, orë të plota gjumi çdo ditë, meditimi, miqtë e mirë… këto janë disa nga faktorët kryesorë që të ndihmojnë të jetosh mirë. Por një përbërës kyc i recetës është dhe të udhëtuarit. Ja pesë arsyet pse duhet të udhëtoni:
1- Ndihmon në shëndetin e zemrës
Udhëtimi lidhet drejtpërdrejt me aktivitetin fizik, qoftë ky aktivitet vrap për të kapur fluturimin tënd apo ngjitje malesh të thepisura. E kjo sjell një ulje të presionit të gjakut dhe rrezikut për sëmundje të zemrës.
2- Një mendje më e mprehtë dhe kreative
Kur truri njerëzor përballet me vende dhe eksperienca të panjohura më parë, kjo sfidë rrit rezistencën qelizore dhe vonon shkatërrimin e qelizave nervore. Gjithashtu, këto ambiente dhe eksperienca sfiduese kontribuojnë në të mirë të këtyre qelizave, gjë që nënkupton kreativitet më të lartë. Jo me kot artistët gjejnë frymëzim nga vende e kultura të reja!
3- Ndryshon perspektivën
Diçka që është normale në vendin tënd, është e paimagjinueshme në një vend tjetër dhe anasjelltas. Fundja, cfarë është normalja?
Të shohësh se si njerëzit jetojnë larg vendit tënd është si të shohësh botën me sytë e dikujt tjetër.
4- Njeh më mirë veten dhe të tjerët
Të udhëtuarit të bën të njohësh njerëz të rinj të cilët nuk do të kishe mundësinë t’i njihje në asnjë situatë tjetër. Je në një vend të panjohur me njerëz të panjohur, gjë që të bën të lidhesh më shumë me veten jashte zonës tënde të komfortit, por gjithashtu të mundohesh të kuptosh njerëz me të cilët nuk të lidh asgjë. E ku ka aventurë më të bukur se kjo?
5- Larg stresit dhe problemeve të përditshme
Problemet do të jenë akoma aty kur ti të kthehesh. Problemet do të jenë gjithmonë aty. Por të largohesh e të udhëtosh për pak kohë të shkëput nga rutina, gjë që është e nevojshme për të gjithë ne.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
