Kam kaq shumë probleme sa nuk di nga t’ia fillo. Nga njëra anë puna, e cila si po shkon do ta lë, për shkak të mobingut nga punëdhënësi; vajza ime po largohet për eksperienca të reja, menopauza ka 1 vit që ka nisur dhe ndryshimet në trupin tim nuk mund t’i pranoj dot. Me partnerin kam probleme sepse nuk e inkurajoj të kryejë marrëdhënie në shtrat. Gjithmonë kam qenë shumë e nxehtë, por ai mendon më të keqen, thjesht kërkon shpjegim, por arsyet e përmendura më sipër nuk i pranon. Çfarë problemesh kam? Si t’i zgjidh?
Përgjigje: Keni përshkruar shumë ndryshime, të cilat pashmangshmërisht patën pasoja të forta në jetën tuaj të përditshme. Mbi të gjitha, menopauza është një fazë shumë e rëndësishme dhe delikate për gratë, e cila në mënyrë të pashmangshme ndikon në sferën seksuale dhe rrjedhimisht edhe në jetën e një çifti.
Në këto raste është e nevojshme t’i jepet përparësi asaj që është më paaftësi për ju në këtë moment dhe të fokusoheni në zgjidhjen e kësaj pengese të parë. Shpesh ajo që ndodh është një efekt domino i vërtetë, pasi, nganjëherë, një problem është baza për të gjithë të tjerët, prandaj duke hequr njërin, të tjerët bien bashkë me të.
Sugjerimi im është të kërkoni mbështetjen e një profesionisti, të gjeni së bashku strategji efektive për t’u përballur me këto situata që po ju shkaktojnë shqetësim dhe për të rifituar mirëqenien tuaj psikofizike.
Burimi guidapsicologi.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
