Unë u sfidova nga një punë e re që ishte pozicioni im i parë në rolin e mbikëqyrësit. Mos më keqkuptoni: e dua punën time dhe më pëlqen të jem i tillë. Por i jam mirënjohës menaxherit tim që më dha një shans dhe shpresoj që dhe ai të jetë i kënaqur me performancën time. Padyshim, kam bërë edhe disa gabime të cilave u jam nënshtruar. Kam bërë një rrugë të gjatë nga mendësia ime strikte perfeksioniste, në të cilën çdo gjë më pak se asnjë gabim është e barabartë me dështimin e plotë. Kishte ditë që isha i rraskapitur. Lajmi fatkeq ishte se u privova nga gjumi. Motivimi i brendshëm nuk po ndodhte dhe vuaja. Sa herë që përpiqesha, kisha pasiguri në vazhdimësi. Si të dal nga kjo gjendje?
Përgjigje: Kjo është një çështje shumë e thellë dhe e rëndësishme, që prek ndjenja, mendime dhe pasiguri që mund të përjetojmë në momentet e vështira të jetës. Fillimisht, është e rëndësishme të kuptosh se çfarë ndodh kur ndihesh i lodhur dhe demoralizuar. Kur puna nuk të ka ecur, kur ndihesh pa energji dhe i frustruar, mund të ndodhë që të humbasësh besimin te vetja dhe të ndihesh i bllokuar.
Është e natyrshme që të përjetosh periudha kur nuk ke motiv, por gjithashtu është e rëndësishme të shqyrtosh nëse kjo lodhje është kalimtare apo është një shenjë që duhet të bësh një pauzë dhe të rishikosh qëllimet dhe prioritetet e tua.
“Zvarritja” e vetes mund të ndodhë kur, edhe pse e ndjen se duhet të bësh diçka, nuk mund të veprosh, apo ndihesh i bllokuar nga pasiguria dhe frika. Shpesh, kur nuk arrin të bësh përparim, mund të të duket se je duke humbur kohën dhe energjinë pa arritur asgjë. Ky është një ndërlikim që ndodh kur mund të jesh duke evituar të përballesh me realitetin e situatës dhe ndihesh i hutuar ose i ngrirë emocionalisht. Kur shëndeti jote nuk është në nivelin e duhur, mund të ketë gjithashtu një ndikim të madh në energjinë dhe motivimin tënd. Mund të ndihesh i lodhur për shkak të stresit fizik dhe emocional, gjë që e vështirëson përqendrimin dhe përpjekjet për të dalë nga ky cikël. Marrëdhëniet me familjarët dhe miqtë gjithashtu luajnë një rol të madh.
Ajo që duhet të përpiqesh të shohësh me sy hapur, është përdorimi i reflektimit. Në këtë mënyrë mund të fillosh të kuptosh vështirësitë që ke dhe të veprosh. Dështimi nuk është zgjidhjem është humbje kohe. Ndaj vlen ndërgjegjësimi, i cili mund të të ndihmojë të dallosh nëse je duke kaluar një periudhë të natyrshme lodhjeje, ose nëse po eviton përpjekjet për shkak të pasigurisë. Rishiko planet e tua dhe mundohu të krijosh një ritëm që të lejon të pushosh dhe reflektosh, dhe jo vetëm punë dhe angazhime të pafundme.
Nëse ndihesh i izoluar dhe vetëm, mund të jetë momenti të kërkosh mbështetje nga të tjerët. Komunikimi i hapur me ata që të duan mund të të ndihmojë të shohësh më qartë situatën dhe të marrësh forcë për të vazhduar. Shumë herë, zvarritja vjen nga pritshmëritë shumë të larta dhe ndjenja se nuk mund të përmbushim gjithçka që presim nga vetja. Pritshmëritë e paarsyeshme mund të shkaktojnë ndjenja dështimi dhe lodhje. Mund të jetë e dobishme të vlerësosh përpjekjet që ke bërë deri tani, dhe të pranosh që ndoshta nuk mund të bësh gjithçka në një kohë të shkurtër.
Ndihmo veten të dalësh nga kjo situatë duke ndërmarrë hapa të vegjël dhe të realizueshëm. Nuk është gjithmonë nevoja për një ndryshim radikal për të ndjerë një përmirësim. Ndonjëherë, është një hap i vogël që mund të të japë energji dhe motivim për të kaluar më pas në hapa më të mëdhenj. Kjo mund të përfshijë aktivitete të thjeshta si ushtrime fizike për të ndihmuar trupin dhe mendjen, apo edhe rishikimin e një pjese të vogël të punës që mund të kryhet, duke të sjellë një ndjenjë të arritjes.
Më e rëndësishmja është të pranosh se periudhat e lodhjes dhe të pasigurisë janë normale. Kjo është një pjesë e jetës dhe të gjithëve mund t’u ndodhin. Kur i pranoni këto momente dhe nuk ndiheni fajtorë për to, mund të jetë më e lehtë t’i kaloni dhe të bëni hapa të vegjël për të rifituar motivimin dhe energjinë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
