Një vajzë 28-vjeçare është zotuar se nuk do të shkojë kurrë me pushime me prindërit e partnerit të saj. Duke postuar në Reddit, ajo shkroi: “I dashuri im 29 vjeç dhe unë 28 jemi së bashku për gati një vit. Ne jetojmë veçmas dhe ai vjen rregullisht në shtëpinë time.
Familja e tij ka organizuar një udhëtim në shtator dhe në fillim më ftuan edhe mua, por kohët e fundit nëna e tij më duket se do që të mos shkojë, pasi nuk ka dhoma gjumi të mjaftueshme. Pra, me sa duket prindërit e tij janë shumë kundër njerëzve të pamartuar që ndajnë një dhomë dhe duket se të gjitha dhomat e gjumit në vendin ku kanë rezervuar janë të zëna.”
Kjo përvojë e ka bërë të ndihet si një fëmijë dhe ajo ka pohuar se nuk dëshiron të shkojë kurrë me pushime me ta në të ardhmen.
Ajo shtoi: “I dashuri im tha se ai ua ka thënë këtë gjë prindërve të tij më parë, por duke qenë se janë ata që paguajnë, çfarë mund të bëjë ai, gjë që unë e kuptoj. Por unë i thashë atij që në të ardhmen, nëse do të jetë gjithmonë kështu, nuk do të ndihem rehat të jem me pushime me ta nëse ata paguajnë për të.
“Unë jam gati 30 vjeç dhe kurrë nuk më është kërkuar të mos ndaj dhomën me asnjë të dashur më parë dhe kjo më bën të ndihem si një fëmijë. Ai tha se kjo ishte mërzitëse për ta dëgjuar dhe unë i thashë se është shqetësuese që ai nuk i kundërshton prindërit e tij.”
Postimi mori mbi 700 komente duke përplasur prindërit për situatën e vështirë.
Njëri tha: “Ju jeni gati 30 vjeç. Nëse ata nuk mund ta përballojnë idenë që ju flini në shtrat me dikë, ata nuk duhet të presin nipër e mbesa.”
Një tjetër shtoi: “Po kjo është thjesht absurde! Ata duhet të kishin kuptuar logjistikën së pari dhe pastaj të bënin ftesa”.
Por njerëzit e tjerë janë më të shqetësuar për sjelljen e të dashurit, ku njëri shkruan: “Është shumë më shqetësuese që një 29-vjeçar është i tillë para kontrollit prindëror. A është ky personi me të cilin e shihni veten?”
Një tjetër tha: “Nëse ai nuk mund t’u dal kundër prindërve të tij edhe pse jeni ende në lidhje, çfarë ju bën të mendoni se do të bëhet më mirë nëse vendosni të martoheni?”
Burimi / https://www.mirror.co.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
