Pozicioni ynë i gjumit mund të ndikojë në gjithçka, nga frymëmarrja deri te sjellja jonë dhe madje edhe në cilësinë e gjumit që po bëjmë. Një nga objektivat kryesorë kur shtriheni natën duhet të jetë mbajtja e qafës dhe shtyllës kurrizore në një pozicion të duhur, por edhe për njerëzit që gërhasin, lehtësimi i saj është gjithashtu një përparësi e madhe. Dhe rezulton se ekziston një pozicion që duhet shmangur nëse gërhitja juaj apo e partnerit tuaj ju shqetëson.
Pozicioni i gjumit që ju bën të gërhisni
Sipas psikiatres dhe ekspertes së gjumit Nishi Bhopal, gjumi me shpinë është një kontribues i madh në gërhitje. Arsyeja është, se kur shtriheni me shpinë, gjuha dhe qiellza e butë relaksohen në pjesën e pasme të fytit tuaj, duke shkaktuar një dridhje (tingulli gërhitës që dëgjoni).
Për fat të mirë, ka disa rregullime të lehta për tu mbajtur në mendje nëse doni të ndaloni gërhitjen. Si të ripozicionoheni.
Siç shpjegon Bhopal, nëse e shihni veten duke gërhitur ndërsa jeni në shpinë, zgjidhja juaj më e mirë është të qëndroni në një anë sa më shumë që të mundeni. Ndoshta duhet të shmangni edhe gjumin me bark; nuk shkakton gërhitje, por është shumë i vështirë për qafën.
“Ekziston një truk i vjetër që përfshin vendosjen e një topi tenisi në pjesën e prapme të pizhameve për t’ju parandaluar që të rrotulloheni me shpinë,” thotë Bhopal. Ka edhe trajnues të pozicionit të gjumit që dridhen sa herë që ndiejnë se po fle me shpinë.
“Në rast të kundërt ju mund të vendosni një jastëk pas jush për t’ju ndihmuar të qëndroni në një krah”, thotë ajo. Dhe duke folur për jastëkët, ju mund të gjeni ato që janë të dizajnuara ergonomikisht për të fjetur anash, duke përfshirë jastëkët e trupit, të cilat janë “mjaft mbështetës dhe mund ta bëjnë gjumin anësor më të rehatshëm”.
Mënyra të tjera për të lehtësuar gërhitjen.
Përveç pozicionit tuaj të gjumit, i cili është ndoshta faktori më i madh për tu mbajtur në mendje, disa mënyra të tjera për të zbutur gërhitjen përfshijnë shmangien e ushqimeve inflamatore, si dhe shmangien e ngrënies dhe pirjes së alkoolit para gjumit. Të gjitha këto gjëra mund të kontribuojnë në frymëmarrjen e shtrënguar.
Para gjumit, mund të provoni të bëni një avull në fytyrë, për të hapur rrugët e frymëmarrjes. Një ritual tjetër që duhet marrë në konsideratë para se të flini është përdorimi i një suplementi mbështetës të gjumit, si magnezi, për t’ju ndihmuar të bëni një gjumë më të mirë. Dhe sigurisht, qëndrimi i hidratuar nuk dëmton kurrë.
Çfarëdo që ju ndihmon të ndaloni gërhitjen – bëjeni. Jo vetëm që po ndikon në frymëmarrjen tuaj gjatë natës, por përkthehet në më pak energji gjatë ditës. Kur mund të marrim frymë mirë gjatë gjithë natës, zgjohemi duke u ndjerë të pushuar dhe të gatshëm për ditën dhe kjo është ajo që ka të bëjë me gjumin e mirë.
Burimi / https://www.mindbodygreen.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
