Pranvera zgjon trupin dhe mendjen. Megjithatë, është e nevojshme për të rimarrë energjinë e humbur përmes përtacisë dimërore dhe për t’i dhënë një mirëqenie të re lëkurës. Si ta bëni?
Me ardhjen e pranverës, ditët zgjaten dhe dielli ngroh më shumë, duke shtuar në këtë mënyrë dëshirën për të dalë në natyrë, pse jo dhe për një udhëtim të shkurtër në fundjavë. Por për ta filluar ditën mirë ju duhen stimulimet e duhura, për veten dhe lëkurën tuaj.
Ja 5 këshilla për të rifituar energjinë e duhur që nga zgjimi në mëngjes!
Zgjim i ëmbël me dritën e diellit
Është gjithmonë e vështirë të dalësh nga shtrati, por nëse ngre tendën, ai shkëlqim delikat i diellit në mëngjes do të ndihmojë trupin tuaj të zgjohet pak nga pak. Drita i dërgon stimuj trurit tuaj dhe kjo ju jep energjinë e duhur, për një zgjim natyral dhe pa trauma.
Mëngjesi i duhur për një mbushje me energji
Mëngjesi është një moment shumë i rëndësishëm për të grumbulluar energjinë që do t’ju nevojitet në orët në vijim, por duhet të bëhet me ushqimet e duhura. Këshilla është që të merrni një çaj limoni të nxehtë, i cili stimulon diuresën dhe eliminimin e toksinave të akumuluara nga trupi juaj, hidraton trupin dhe lëkurën dhe është i pasur me antioksidantë. Limoni, një koncentrat i vitaminës C, forcon sistemin imunitar, ushqen lëkurën dhe i jep energji vitale. Pastaj zgjidhni bukë të thekur me qumësht ose biskota, një lëng dhe disa fruta. Mos harroni: drithërat dhe proteinat ndihmojnë në mbajtjen më gjatë të niveleve të energjisë. Dhe ç’mund të themi për një mëngjes familjar të gjithë së bashku? Është një zakon i nevojshëm për humor të mirë të të gjithëve, madje edhe nëse dalja nga shtrati kërkon pak përpjekje…është padyshim e vlefshme.
Dushi
I ngrohtë apo i nxehtë (por jo shumë i nxehtë) për të shmangur traumatizimin pas zgjimit, relakson muskujt dhe është i këndshëm, por për një “tronditje” të vërtetë energjike është mirë ta përfundoni me një shpëlarje me ujë të ftohtë: aktivizon qarkullimin e gjakut, ngushton poret e lëkurës dhe definitivisht ju ndihmon për të larguar përgjumjen. Dhe pastaj vazhdoni më tej me një hidratues për zbutjen e lëkurës tuaj.
Rutina e bukurisë
Po, ju mund ta bëni edhe me fëmijët! Kështu që mund të kontrolloni që po i pastroni dhëmbët mirë: rutina e bukurisë fillon me një pastrim të butë dhe me aplikimin e një krem hidratues/ushqyes. Idealja në pranverë është të zgjedhësh një produkt që ka gjithashtu një faktor mbrojtjeje nga rrezet e diellit: mund të jetë një krem, si bazë ose një krem make-up. Nuk merr më shumë se 4-5 minuta për t’u bërë të bukur dhe kjo do t’ju japë një nxitje energjie!
Lëvizja për t’u mbushur me super-energji
Shoqëroni fëmijët në shkollë? Nëse distanca e bën të mundur…Në këmbë është më mirë! Shmangni shtimin e smogut, por mbi të gjitha lëvizni! Kjo vlen për ju dhe gjithashtu për adoleshentët tuaj që përdorin orët e hershme të mëngjesit për të bërë një minimum të aktivitetit motorik. Ecja – kontrollimi i ritmit të frymës – rrit përqendrimin dhe efikasitetin e kujtesës, përbërësit e duhur si në shkollë dhe në zyrë. Nëse çantat e shpinës janë të rënda, përdorni një karrocë: kjo është një zgjidhje shumë më e mirë se makina. Mos harroni: lëvizja është nxitës i vërtetë për mendjen dhe fizikun. Sa më shumë që bëni sport, aq më energjik ndiheni. Përveç filxhanëve të kafesë!
Mendoni për këtë: pranvera është sezoni i duhur për të mbushur bateritë tuaja me shëtitje të gjata në natyrë dhe lojëra në park me fëmijët. Kjo është e mjaftueshme për t’u ndier më mirë. Të gjitha me një sy për shëndetin e lëkurës suaj. Nëse djeg hundën pavarësisht aplikimit të mbrojtjes së diellit, menjëherë përdorni një vaj të butë me efekt riparues të lëkurës. Dhe në qoftë se fëmija juaj i vogël vret gishtin nga rënia me një skateboard? Nuk duhet ta hiqni nga çanta juaj një pluhur me bazë acidin hialuronik dhe argjend metalik, për emergjenca të vogla: nxit shërimin dhe parandalon infeksionet bakteriale. Me një aplikim lokal dhe disa përqafime të ëmbla, fëmija juaj menjëherë do të gjejë energji të re për të luajtur.
Burimi / http://www.amicoperlapelle.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
